Եթե ուզում ես ուսապարկդ չկորի կամ չտանեն, Նիկոլի ուսապարկից ճարի. գողության տարօրինակ դեպք Երևանում
Shamshyan.com–ի հաղորդմամբ, ժամը 00:10-ի սահմաններում անհայտ անձը կամ անձինք Բուզանդի փողոցի թիվ 13 հասցեի մոտ կոտրել են այնտեղ կայանված Honda մակնիշի ավտոմեքենայի դռան ապակին և ավտոմեքենայի սրահից գողացել ուսապարը:
Կայքի հաղորդմամբ, կատարվածի մասին ոստիկանության Երևան քաղաքի վարչության օպերատիվ կատավարման կենտրոն է ահազանգել Բելառուսի Հանրապետության քաղաքացի, 32-ամյա Պարգև Կարապետյանը և հայտնել, որ ուսապարկի մեջ եղել է Բելառուսի Հանրապետության քաղաքացու իր անձնագիրը, բանկային և սիմ քարտեր, բելառուսական ռուբլի և այլ իրեր:
Փաստի առթիվ ոստիկանության կենտրոնական բաժնի հետաքննչական բաժանմունքում նյութեր են նախապատրաստվում:
Աղբյուրի հաղորդմաբ, գողը կա գողերը իրենց «սև գործն» անելուց հետո ավտոմեքենայի դիմապակու վրա գրություն են թողել, որում մասնավորապես գրված է եղել. «Եթե ուզում ես ուսապարկդ չկորի կամ չտանեն, Նիկոլի ուսապարկից ճարի, սա Հայաստանն է, այստեղ դու տանն ես»:
Հետևեք մեզ Facebook-ում