Վրաստանում նախագահական ընտրություններ են. կընտրվի երկրի 5-րդ նախագահը

Հարևան Վրաստանում նախագահական ընտրությունների երկրորդ փուլն է: Մեկ ամիս առաջ կայացած առաջին փուլում 25 թեկնածուներից ոչ մեկը չկարողացավ ավելի քան 50 տոկոս ձայն ստանալ, ինչպես պահանջում Սահմանադրությունը: 

Այս փուլում Վրաստանի քաղաքացիները  կընտրեն երկու թեկնածուի, ովքեր առաջին փուլում գրեթե նույն արդյունքներն էին ունեցել: Երկրորդ փուլում կհաղթի այն թեկնածուն, ով կստանա քվեների պարզ մեծամասնությունը:

Հաղթանակի համար պայքարում են «Ուժը միասնության մեջ է» ընդդիմադիր միավորումը՝ Գրիգոլ Վաշաձեի գլխավորությամբ և «Վրացական երազանք» իշխող կուսակցությունը՝  Սալոմե Զուրաբիշվիլիի  գլխավորությամբ: 

Առաջին փուլում Զուրաբիշվիլին ստացել էր 38,64 տոկոս ձայն, իսկ Վաշաձեն՝ 37,74 տոկոս:

Ներկայիս նախագահական ընտրությունները պատմական են անվանում: Նախագահական ընտրությունների երկրորդ փուլը երկրի անկախության վերականգնումից հետո՝ 25 տարի անց, առաջին անգամ է անցկացվում:

Zham.am