«Վզներիցդ բռնած դուրս եմ շպրտելու ձեր կաբինետներից, մեկդ չթպրտաք». Նիկոլ Փաշինյան (Տեսանյութ)
Ձայն չտաք այն ուժերին, որոնք փորձել են ընտրակաշառքով ընտրություններին հաղթել: Այս մասին այսօր Սպիտակում քաղաքացիների հետ հանդիպման ժամանակ հայտարարեց Նիկոլ Փաշինյանը:
«Ոչ մի ձայն ՀՀԿ-ականներին. նրանք ասում են՝ եթե մտահոգված ես, ձայն տուր Հանրապետականին, ես էլ ասում եմ՝ եթե ազատ, արժանապատիվ քաղաքացի ես, ձայն չտաս Հանրապետականին: Ձայնք չտաք էն ուժերին, որոնք փորձել են ընտրակաշառքով ընտրություն հաղթել, ոչ մի ձայն որևէ ուժի, ով ընտրակաշառք է կիրառել, սպառնալիք, ոչ մի ձայն այն ուժին, ով մտածում է՝ ՀՀ-ում կարելի է բռնությամբ ու զենքով հարցեր լուծել»,- հայտարարել է վարչապետի պաշտոնակատար Նիկոլ Փաշինյանը:
Անդրադառնալով այն մտքին, թե որտե՞ղ կա ՀՀԿ-ական գյուղապետ, որի մտքով անցնում է գյուղացիներին ընտրության ժամանակ վախեցնել. «Իմացեք, անձամբ ես գալու եմ ձեր հետևից ու վզներիցդ բռնած դուրս եմ շպրտելու ձեր կաբինետներից: Ո՞նց, էս երկրում մարդ կա, որը համարձակվում ա քաղաքացուն վախեցնե՞լ: Բոլորիդ կպառկեցնենք ասֆալտներին: Էս ովքե՞ր են սրանք, ի՞նչ ՀՀԿ-ական, ի՞նչ օլիգարխ ու հաստավիզ, պատերով կտանք բոլորին, ովքեր կփորձեն վախեցնել քաղաքացիներին: Գողեր, թալանչիներ, ստահակներ: Մեկդ չթպրտաք, չփորձեք որևէ հարկադրանքի ենթարկել ժողովրդին»:
Zham.am
Հետևեք մեզ Facebook-ում