345 մլն դրամ եկամուտ, 55 շենք, 25 մլն դրամական միջոց, 4 ավտոմեքենա. ՀՀԿ-ն ներկայացրել է հայտարարագիրը

Դեկտեմբերի 9-ին կայանալիք խորհրդարանական ընտրություններին ընդառաջ մասնակից ուժերը ԿԸՀ են ներկայացրել գույքի և դրամական միջոցների 1 տարվա հայտարարագրերը:

Հայաստանի Հանրապետական կուսակցությանը հայտարարագրել է 55 շենք-շինություն, որոնց մի մասը միանձնյա սեփականություն է, մի մասը` վարձակալության հիմունքներով, մի մասն էլ` անհատույց օգտագործման իրավունքով:

Որպես անշարշ գույք` գրանցված է նաև 2 ավտոկայանատեղի և 21 հողակտոր:

ՀՀԿ-ն հայտարարագրել է 4 մարդատար ավտոմեքենա`

2 Նիսսան Սենտրա,

1 Նիսսան Պատֆայնդեր,

1 Վազ 2121:

8 մլն դրամը գերազանցող թանկարժեք գույք գրանցված չէ:

Կուսակցության դրամական միջոցները կազմել են 25 մլն 696 178 դրամ:

Եկամուտները կազմել են 345 մլն 267 997 դրամ, որը գոյացել է հետևյալ աղբյուրներից`


221 մլն 296 510 դրամ` անդամակցության վճարներ և նվիրատվություններ,

1 մլն 6 719 դրամ` վարձակալության դիմաց ստացված վճարներ,

187 452 դրամ, որը վճարվել է Վայոց Ձորի մարզպետարանի աշխատակազմի կողմից,

252 387 դրամ` վճարվել է Սոցիալական ապահովության պետական ծառայության աշխատակազմի կողմից,

360 000 դրամ` վճարվել է Ֆրուտերիա ՍՊԸ-ի կողմից,

206 880 դրամ` Վայքի Աշխատանքի և Զբաղվածության տարածքային կենտրոնի կողմից,

84 մլն 394 800 դրամ` ֆինանսավորվել է ՀՀ պետբյուջեից,

37 մլն 398 000 դրամ` ստացվել է անշարժ գույքի օտարումից,

165 249 դրամն  էլ գոյացել է այլ եկամուտներից:

Պատրաստեց Ակաթի Վահանյանը