Որն էր Նիկոլ Փաշինյանի դաշինքի նախընտրական արշավի առաջին օրվա գլխավոր մեսիջը. Տեսանյութ
Այսօրվա Փաշինյանի ելույթների հռետորաբանության բովանդակությունը ցույց է տալիս, որ նա իր քարոզարշավի տեխնոլոգիան կառուցելու է ոչ թե մյուս ուժերին սևացնելու վրա, այլ` բացառապես ՀՀԿ-ին հակադրվելու:
Այսպիսով, ինչպես և կանխատեսել էինք, Փաշինյանը կիրառելու է սև-սպիտակային տեխնոլոգիան, սակայն մասնակիորեն թիրախավորելով բացառապես ՀՀԿ-ին:
Այս քայլով նա միաժամանակ կոնսոլիդացնում է իր ընտրազանգվածին, և մյուս կողմից` սպարինգ - գործնկեր է դարձնում ՀՀԿ-ին: Այս տեխնոլոգիայից հիմնականում կoգտվեն «Իմ քայլը» դաշինքը և ինչքան էլ զարմանալի թվա` ՀՀԿ-ն, քանզի հեռակա հիմնական քաղաքական վեճը կգնա այս երկու ուժերի միջև:
Եվ եթե նրանք չանցնեն իրար դեմ հակադրելով «կարմիր գծեր»-ը, ապա կարող ենք արձանագրել, որ այս ընտրարշավից կարող են օգտվել ոչ միայն Փաշինյանի թիմն ու ՀՀԿ-ն, այլև՝ հանրությունը, քանզի, այս երկու ուժերից դուրս, այլ երրորդ ուժ այս ընտրարշավում չի մասնակցում, եթե իհարկե չհաշվենք «Սասնա Ծռերին»: Իրական «երրորդ ուժը» այս ընտրություններին չի մասնակցում: Այն դեռ ձևավորման փուլում է գտնվում, և քանի այդպես է, երկրում բացը լրացնելու համար կարևոր է, որ «Իմ քայլը» դաշինքն ու ՀՀԿ-ն պետք է պատասխանատվության զգացում ունենան տվյալ ժամանակահատվածի համար և իրար քննադատելով, ինչը առողջ երևույթ է, այնուամենայնիվ «կարմիր գծեր» չանցնեն և մեկը մյուսի ոչնչացմամբ չզբաղվեն:
Արտակ Հակոբյան
Հետևեք մեզ Facebook-ում