6 ՀԿ-ներ դիտորդական առաքելություն կիրականացնեն. որո՞նք են դրանք
Դեկտեմբերի 9-ին կայանալիք խորհրդարանական ընտրություններին դիտորդական առաքելություն են իրականացնելու 6 հասարակական կազմակերպություններ` ընդհանուր առմամբ` 11 080 դիտորդով:
Ամենամեծ թվով դիտորդ է գրանցել «Միացյալ առաջնորդների պալատ » ՀԿ-ն` 5411 դիտորդ:
Հասարակական կազմակերպությունը գրանցվել է 2015թ. դեկտեմբերի 28-ին Գարեգին Նժդեհի 9Ա շենքի 29 բնակարանում, որը կազմակերպության նախագահ Լիաննա Մանուկյանի բնակության հասցեն է:
Հաջորդը` «Համաչափ զարգացում համայնքային զարգացման» ՀԿ-ն է, որը գրանցել է 5410 դիտորդ: ՀԿ-ի նախագահը փաստաբան Մակար Եղիազարյանն է, ով Թրասթ Գրուպ փաստաբանական ընկերության տնօրենն է:
Ընդգծենք նաև, որ Մակար Եղիազարյանը 2016 թվականին ԲՀԿ-ի կողմից ներկայացվել էր որպես ՄԻՊ թեկնածու:
Հայաստանի Հելսինկյան կոմիտեն ընտրություններին դիտորդական առաքելություն կիրականացնի 176 դիտորդով: Կազմակերպության նախագահն իրավապաշտպան Ավետիք Իշխանյանն է:
Հաջորդ ՀԿ-ն «Ֆրիտյոֆ Նանսենի անվան մարդու իրավունքների պաշտպանության հայկական կենտրոնն» է, որը դիտորդական առաքելություն կիրականացնի 40 դիտորդով:
37 դիտորդ է գրանցել «Թրանսփարենսի ինթերնեշնլ հակակոռուպցիոն կենտրոն» ՀԿ-ն:
Եվս 6 դիտորդ է գրանցել «Կրթական և մշակութային կամուրջներ ՀԿ-ն:
Zham.am