Այս օրակարգը մենք պարտավոր ենք թելադրել Հայաստանին. Աշոտյանը՝ սև ու սպիտակի մասին (տեսանյութ)
Հայաստանի Հանրապետական կուսակցությունն այսօր ներկայացրեց իր նախընտրական ծրագիրը՝ բաղկացած 6 կետից: Լրագրողներին տրված ծրագրի տարբերակը սև ու սպիտակ էր, ինչը, ՀՀԿ փոխնախագահ Արմեն Աշոտյանի խոսքով, ամենևին էլ պատահական չէ, պարզապես դիզայներական լուծում չէ:
«Այս ամենի մեջ գաղափար կա դրած՝ Հայաստանին պարտադրվել է սև ու սպիտակ իրականություն: Ամեն ինչ կա՛մ լավ է, կա՛մ վատ է, ինչը երեկ վատն էր, այսօր լավ է, մենք «դեմոններն» ենք, իրենք՝ հրեշտակները: Բայց իրականությունը բազմաշերտ է: ՀՀ-ին պարտադրված կանոնը սև ու սպիտակ է, ու անգամ այս սև ու սպիտակ իրականության մեջ մենք պարտավոր ենք թելադրել սեփական քաղաքական օրակարգ: Այս օրակարգը մենք պարտավոր ենք թելադրել Հայաստանին»,- նշեց Արմեն Աշոտյանին:
Արմեն Աշոտյանը նշեց, որ գործող իշխանությունների ոչ պրոֆեսիոնալիզմի, անլուրջ վերաբերմունքի, սիրողականության հետևանքով կան խնդիրներ:
Մանրամասները՝ Ազատության տեսանյութում:
Հետևեք մեզ Facebook-ում