Սամվել Բաբայանը՝ Յուրի Խաչատուրովի հետ հարաբերությունների մասին
Այսօր տեղի ունեցած դատական նիստից հետո լրագրողները Արցախի ՊԲ նախկին հրամանատար Սամվել Բաբայանից հետաքրքրվեցին, թե ինչպես է վերաբերվում Յուրի Խաչատուրովին ՀԱՊԿ գլխավոր քարտուղարի պաշտոնից հետկանչին:
«Չեմ ուզում նախապես կարծիք արտահայտել, հայտարարություններ անել, որքան գիտեմ, ամսի 6-ին նորից հավաքվելու են այդ հարցի շուրջ»:
Լրագրողների այն ճշտող հարցին, թե ճի՞շտ է համարում այդ որոշումը, Սամվել Բաբայանը պատասխանեց. «Նորից եմ ասում՝ ես ո՛չ քննիչ եմ, ո՛չ դատախազ եմ, որ իմանամ՝ ինչի՞ համար, ո՞նց…: Տեսնո՞ւմ ես՝ մեղադրում են, ինձ էլ են մեղադրում չէ՞, հիմա տեսնենք՝ կարո՞ւմ են մինչև վերջ մեղադրել: Ես չգիտեմ՝ ինչքանո՞վ է դա իրական, ինչքանով՝ ոչ: Դատարանը որոշում կկայացնի, որից էլ մենք եզրակացություն կկազմենք»:
Անդրադառնալով իր և Յուրի Խաչատուրովի հարաբերություններին՝ Բաբայանը նշեց. «Բոլորի հետ միշտ էլ նորմալ հարաբերություններ եմ ունեցել, բացի մեկից»:
Թե ով է այդ մեկը՝ Բաբայանը հրաժարվեց մանրամասնել:
Ակաթի Վահանյան
Հետևեք մեզ Facebook-ում