Գնալու եմ մինչև Եվրոպական դատարան. Սամվել Բաբայան

Մինչ Եվրոպական դատարան գնալու եմ: Այս մասին այսօր դատական նիստից հետ լրագրողների հետ զրույցում հայտարարեց Արցախի պաշտպանության բանակի նախկին հրամանատար Սամվել Բաբայանը:

«Գնալու եմ մինչև արդարացում: Առաջին օրը  հաղորդեցին, որ Վրաստանից Իգլա եմ բերել, մեկ էլ այդ Ինգլան չկա: Ես պահանջելու եմ, տեսնեմ, թե ով է դա Վրաստանից բերել, ինչ է բերել: Ինչ վերաբերվում է ֆինանսական կողմին, ապա իրենք շատ լավ գիտեին, որ ես 5000 եվոր պարտք եմ ստացել: Այնպես, որ դատարանում կլսենք, որ այդպիսի գործ չկա, վաղուց փլուզված է», - ասաց Սամվել Բաբայանը:

Անդրադառնալով այն դիտարկմանը, որ հայտարարված համաներումն անդրադառնում էր նաև իր մեղադրանքի հոդվածներով դատապարտյալների վրա,Սամվել Բաբայանը նշեց. «Այո, տարածվում է, բայց դա ինձ չի վերաբերում: Ես դեռ այն ժամանակ ասել եմ, որ ինձ համաներում պետք չէ: Եվ ոչ միայն այս դատով, այլ Ղարաբաղի դատով էլ ենք նորից գործ բացելու, և պարզ կլինի` ինչեր է կատարվել 2000 թվականին»:

Հիշեցնենք, որ Վճռաբեկ դատարանը հունիսի 15-ին բեկանել էր Սամվել Բաբայանի և ընկերների վերաբերյալ վճիռն ու գործն ուղարկել առաջին ատյան` նոր քննության:
Ըստ մեղադրանքի` Սամվել Բաբայանը դրդել է մի խումբ անձանց` նախնական համաձայնությամբ, ապօրինի կերպով ռազմամթերք հանդիսացող «Իգլա» ձեռք բերելուն, փոխադրելուն և պահելուն, ինչպես նաև փոխարկման արդյունքում հանցավոր ճանապարհով ստացված գույք` գումար ձեռք բերելուն: Սամվել Բաբայանը դատարապարտվել էր 6 տարվա ազատազրկման:

Ակաթի Վահանյան