էս ժողովուրդը պետք է մենակ բանա՞ն ուտի. Շարմազանովը՝ Նիկոլ Փաշինյանին

9,7% տնտեսական աճով երկիր ենք տվել Նիկոլ Փաշինյանին, իսկ այսօր բյուջեում բերել են 4,9 տնտեսական աճ: Այսօր այս մասին լրագրողների հետ զրույցում իր  մտահոգությունը հայտնեց ԱԺ փոխխոսնակ Էդուարդ Շարմազանովը: 

«Ալավերդիում այսօր 630 մարդ կրճատման տակ է: Փաշինյանն ինքն է հայտարարում, որ 10 հազար ուսուցիչ ավել է աշխատում, էդ որ ավել է, ի՞նչ պետք է անեն, պետք է գնան տո՞ւն: Ասում է նախարարությունների թիվը պետք է կրճատվի: Շուրջ 150 հազար քաղաքացի իր աշխատանքից զրկվելու է: Ասում է՝ ո՞նց կարող է 80 հազարով աշխատեն, ախպեր ջան, էդքան շուտ փոխվեցի՞ր, բա ժողովրդի թեկնածուն էիր, ժողովրդի հետ էիր»,- ասաց Էդուարդ Շարմազանովը:

 Անդրադառնալով թանկացումներին՝  ԱԺ փոխխոսնակը նշեց. «Նիկոլ Փաշինյանն ասում է՝ ներդրումներ պետք է լինեն, 100 մլն-ից դարձել է 9 մլն: Տնտեսական աճն այսօր դարձրել է 4,9, տեսեք ինչքան տնտեսական անկում կա: Մտեք խանութներ, տեսեք գնաճ կա՞, ապրանքները թանկացե՞լ են, թե՞ չէ: Ասում է՝ բանանը էժանացել է, չհասկացա, էս ժողովուրդը պետք է մենակ բանա՞ն ուտի»:

Zham.am