Քանի՞ ընտրող կա Հայաստանում. ամենաշատ ընտրողները Կոտայքի մարզում են

Դեկտեմբերի 9-ին անցկացվելիք արտահերթ խորհրդարանական ընտրություններով պայմանավորված` ոստիկանությունն արդեն ներկայացրել է Հայաստանի Հանրապետության ընտրողների քանակը: Այս մասին տեղեկանում ենք Կենտրոնական ընտրական հանձնաժողովի պաշտոնական կայքից:

Այսպիսով` ընտրական իրավունք ունի 2 մլն 574 916 մարդ:

Հիշեցնենք, որ գործող ընտրական օրենսգրքով Հայաստանը բաժանված է 13 ընտրական տարածքների:
Ամենաշատ ընտրողները գրանցված են թիվ 10 ընտրատարածքում` Կոտայքի մարզում, այստեղ կա 239 847 ընտրող:

Հաջորդը Լոռու մարզն ընդգրկող թիվ 9 ընտրատարածքն է` 237 837 ընտրող:

Երրորդը թիվ 6 ընտրատարածքն է` Արմավիրի մարզը, որտեղ գրանցված է 233 632 ընտրող:

Ամենասակավաթիվը  Տավուշի մարզն ընդգրկող թիվ 13 ընտրատարածքն է, այստեղ գրանցված է 107 139 ընտրող:

Երևանը բաժանված է 4 ընտրական տարածքների`

Թիվ 1 ընտրատարածք` Ավան, Նոր Նորք, Քանաքեռ Զեյթուն` 200 112 ընտրող,

Թիվ 2 ընտրատարածք` Արաբկիր, Աջափնյակ, Դավթաշեն` 213 628 ընտրող,

Թիվ 3 ընտրատարածք` Մալաթիա-Սեբաստիա , Շենգավիթ` 225 223 ընտրող,

Թիվ 4 ընտրատարածք` Կենտրոն, Նորք Մարաշ, Էրեբունի, Նուբարաշեն` 209 035 ընտրող:

Մնացած մարզերի ընտրողների քանակի պատկերը հետևյալն է`

Թիվ 5 ընտրատարածք` Արարատի մարզ` 221 655 ընտրող,

Թիվ 7 ընտրատարածք` Արագածոտնի մարզ, 117 534 ընտրող,

Թիվ 8 ընտրատարածք` Գեղարքունիքի մարզ, 118 045 ընտրող,

Թիվ 11 ընտրատարածք` Շիրակի մարզ, 229 542 ընտրող,

Թիվ 12 ընտրատարածք` Սյունիքի և Վայոց Ձորի մարզեր` 151 687 ընտրող: 

Պատրաստեց՝ Ակաթի Վահանյանը