Նիկոլ Փաշինյանն ասուլիսի ժամանակ ագրեսիվ էր և նյարդային. Արմեն Աշոտյան
Նիկոլ Փաշինյանին թվում է, որ ինքն արդեն ցարի բոգն է, ալֆան ու օմեգան է: Այս մասին ԱԺ-ում լրագրողների հետ զրույցում նշեց ՀՀԿ խմբակցության պատգամավոր Արմեն Աշոտյանը:
Անդրադառնալով Նիկոլ Փաշինյանի մամուլի ասուլիսին, պատգամավորը կարծիք հայտնեց, որ ասուլիսի ժամանակ Փաշինյանն ագրեսիվ էր:
«Երեւի երկրի սոցիալ-տնտեսական խնդիրների բեռն է սկսել գիտակցել: Երեւի իրեն զեկուցել են, որ երբ իշխանությունն ստանձնում էր, ուներ մոտ 22 մլրդ դրամի հավաքագրված պետական բյուջե, իսկ հիմա անգամ սեպտեմբեր ամսվա պլանը թերակատարվել է մեկ մլրդ դրամով: Երեւի զեկուցում են, որ արտաքին քաղաքական մարտահրավերներ կան, եւ զգում է, որ եթե դեկտեմբերի 9-ին ստանա 80 տոկոս, այլեւս չի կարող դիմադրել որեւէ միջազգային ճնշումներին ղարաբաղյան հարցով, որովհետեւ չի ունենա այս դահլիճում ընդդիմություն, որ կարող է փրկել իր հեղինակությունը, Հայաստանի հեղինակությունը եւ Արցախը»: