Նիկոլ Փաշինյանը՝ Ադրբեջանի նախագահի հետ «չաթ անելու» մասին
Հայ-ադրբեջանական սահմանի «հարաբերական անդորրը» Դուշանբեում ձեռք բերված պայմավորվածությունների արդյունքն է: Այս մասին այսօր հրավիրված մամուլի ասուլիս ժամանակ հայտարարեց վարչապետի պաշտոնակատար Նիկոլ Փաշինյանը։
Նա անդրադարձավ նաև երկու երկրների ղեկավարների հարաբերություններին:
«Այդ օպերատիվի կապի հետ կապված քննարկումներ եղան, այնպիսի տպավորություն էր, որ ոմանք ընկալել են, թե ես ու Ադրբեջանի նախագահն առավոտից երեկո խոսում ենք, իրար հետ «չաթ ենք անում»։ Իհարկե, դա այդպես չէ. ըստ անհրաժեշտության ներկայացուցիչների միջոցով տեղեկատվությունը փոխանցվում է», - ասաց Նիկոլ Փաշինյանը։
Անդրադառնալով Արցախի հարցին՝ Փաշինյանը նշեց, որ բանակցային գործընթացին պետք է տիրապետի հնարավորիս շատ մարդ:
«Բանակցային պրոցեսի առաջին օրից գործընթացը խորհրդավորության քողով պատելու պատճառով նույնիսկ հիմա ընկալում կա, թե Արցախի բանակցային գործընթացին տիրապետում են քիչ թվով մարդիկ։ Սա սխալ մոտեցում է, կարծում եմ՝ բանակցային գործընթացին պետք է տիրապետի հնարավորինս շատ մարդ, հայ ժողովուրդը Արցախի հարցի վերաբերյալ տեղեկացված է առավել, քան երբևէ, և այս մոտեցումը շարունակվելու է», - ընդգծեց Նիկոլ Փաշինյանը:
Zham.am
Հետևեք մեզ Facebook-ում