Գերմանիան հայտարարել է Սաուդյան Արաբիայի դեմ պատժամիջոցների մասին՝ սաուդցի լրագրողի սպանության առնչությամբ

Գերմանիայի արտաքին գործերի նախարար Հեյկո Մաասը այսօր Բեռլինում հայտարարել է. «Սաուդցի լրագրող Ջամալ Հաշոգիի սպանության հետ առնչություն ունեցող թվով 18 անձիք հնարավորություն չեն ունենա մուտք գործել Գերմանիայի տարածք»:

Նրա խոսքով, պատժամիջոցների ենթակված անձանց ցանկը կազմվել է Մեծ Բրիտանիայի և Ֆրանսիայի իշխանությունների հետ համատեղ:

Բացի դա, Գերմանիան դադարեցնում է սպառազինության մատակարարումները Սաուդյան Արաբիային: Դա վերաբերում է նաև Էր Ռիյադի հետ կնքված այն գործարքներին, որոնք արժանացել են Գերմանիայի խորհրդարանի հավանությանը:

Հիշեցնենք, որ աշխարհը սևեռված է սաուդացի լրագրող Ջամալ Խաշոգջիի սպանության փաստին, ինչպես նշում էին միջազգային լրատվամիջոցները, Ստամբուլում Սաուդյան Արաբիայի հյուպատոսություն մուտք գործելուց հետո անհայտ կորած սաուդացի հայտնի ընդդիմադիր լրագրող, The Washington Post-ի թղթակից Ջամալ Խաաշկղիջիին կարող են ոչ միայն սպանած լինել, այլև չի բացառվում, որ հյուպատոսության սաուդացի աշխատակիցները մասնատել են նրա մարմինն ու «չեզոքացրել» թթվային լուծույթի օգնությամբ: