Լույս է տեսել Լուսինե Հովհաննիսյանի՝ «Տարին ունի շատ եղանակ» գիրքը. Լուսանկար

Մի անգամ Լուսինեն ասաց. Ընդհանրապես, երբ կարդացածդ ի զորու է ինչ - որ բան անել քո հետ, ուրեմն լավ գործ է:

Լուսինեի հոդվածները կարդալիս հիշում եմ դա. այստեղ հույզերը շատ են:

Նա գրել է մարդկանց մասին, իսկ հայտնի բան է, մարդը չի ապրում դարի մեջ, դարն է ապրում մարդու մեջ: Հենց այդպիսին են Լուսինեի գրքի մարդիկ. առաջին հայացքից սովորական, հասարակ մարդիկ, որոնք սակայն մեծ ժամանակաշրջանի հայելին են, ամփոփ նկարագիրը՝ սկսած մարդկային առօրյա հարաբերություններից, վերջացրած պատերազմով և խաղաղությամբ: 

Լուսինեի գիրքը և ֆիլմ է, և նկարչություն, և հայրենիքի պատմություն ու քարտեզ:

Ընթերցողի սեղանին այսպիսի գիրք դնել, նշանակում է՝ ապրեցնել նրան, պատմել, ընկեր լինել, սիրել: Շնորհակալ եմ, Լուսինե: 

«Տարին ունի շատ եղանակ»՝ գրքի վերնագիրն է: Շուտով կլինի գրախանութներում: 

Մ. Ղևոնդյան