Ինչու՞ Հին Հայաստանն այդպես էլ չի վերանում

Այսօր լրատվական կայքերից մեկում հետևյալ լուրը կարդացի: «ՀՀ գլխավոր դատախազությունը կարճել է ՀՀ-ում խոշոր չափով հարկերի վճարումից խուսափելու փաստով ԱՄՆ քաղաքացի, թուրք հակահայ լոբբիստ Քևին Օքսուզի դեմ հարուցված քրեական գործի վարույթը` հանցակազմի բացակայության հիմքով:

Հիշեցնեմ, որ հակահայ լոբբիստ Քեվին (Քեմալ) Օքսուզը, ով Միացյալ Նահանգների կողմից միջազգային հետախուզման մեջ էր ԱՄՆ ներկայացուցիչների պալատի էթիկայի հանձնաժողովից նյութեր կեղծելու ու թաքցնելու համար, Հայաստանում ևս հակաօրինական գործունեություն էր ծավալել։ Հայաստանում նրա հիմնած The Sena Group ընկերությունը խուսափել է հարկերի վճարումից։ The Sena Group ՍՊ ընկերության (հիմնադիր՝ Քեվին (Քեմալ) Օքսուզ) տնօրինության կողմից խոշոր չափերով հարկեր չվճարելու առերևույթ հանցագործության դեպքի առթիվ ՀՀ ոստիկանության կազմակերպված հանցավորության դեմ պայքարի գլխավոր վարչության կողմից ՀՀ քրեական օրենսգրքի 205-րդ հոդվածի 1-ին մասի հատկանիշներով հարուցվել էր քրեական գործ»:

Հետաքրքիր է չէ «Նոր» Հայաստանում շարունակում է ակտուալ մնալ «ընտրողական արդարադատություն» ասվածը: Փաստորեն, երբ պետք է իշխանությանը նա կարողանում է բացահայտ հանցագործին գործը փակել, բայց երբ-որ պետք է լինում առողջական խնդիրներ ունեցող մարդու խափանման միջոցը փոխել, այն էլ անմեղ մարդու հայրենի արդարադատության համակարգս կրկին հայտնվում է «սերժական ժամանակներում»:

«Նոր» Հայաստան սենց չես կառուցի, այլ միայն կկրկնորինակես Սերժի Հայաստանի ամենավատ կողմերը:

Հ. Գ. Խոխման այն է, որ էսօր դատախազությունը դեռ մի բան էլ հայտարարություն է տարածում թե բա դուք Մայրապետյանի գործից բան չեք հասկանում ու մեզ դաս մի տվեք, հարգելիներս, ոնց իշխանությունը փոխվեց այդպես էլ իրավիճակը կփոխվի, ձեր պահվածքով ձեզ հետագայում խոսելու տեղ թողեք:

Գոռ Գասպարյանի ֆեյսբուքյան էջից