ՀՀԿ-ն պատրաստվում է թիվ 1 ընդդիմությունը դառնալ ապագա ԱԺ-ում (Տեսանյութ)

Հասկանալի է, որ գալիք ընտրապայքարում, ՀՀԿ-ին վերապահված է լինելու գլխավոր «մեշոկ պապիի» դերը, որից առավելապես օգտվելու է Փաշինյանի թիմը:

Սակայն այնպես չէ, որ ՀՀԿ-ն հանգիստ հետևելու է, թե ինչպես են իրեն դատափետում:
Եվ մասնավորապես, դա է ցույց տալիս այն ցուցակը, որով այս ուժը գնում է ընտրության:
Հասկանալի է, որ զրկվելով իշխող ուժի կարգավիճակից, կուսակցությունը զրկվել է նաև օլիգարխիկ ռեսուրսից, ընդ որում, ոչ միայն ֆինանսական, այլ նաև՝ մարդկային:
Մյուս կողմից, գլխավոր է դարձել կուսակցության քաղաքական կոմպոնենտը, ինչի վկայությունն է կուսակցության ցուցակի առաջին 15 տեղը:

Սկսենք սկզբից, առաջին եռյակը կազմված է Վիգեն Սարգսյանից , Արփինե Հովհաննիսյանից ու Դավիթ Շահնազարյանից:

Վիգենը ՀՀԿ-ի առավել չվարկաբեկված մասի սիմվոլն է համարվում: Արփինեն, գենդերայինից բացի, առավել ակտիվ կանանցից է համարվում այս կուսակցությունում: Իսկ Շահնազարյանը, Սեժ Սարգսյանի «Now-how»-ն է:

Վերջինս, ամենայն հավանականությամբ, լինելու է այս ընտրարշավում, ֆուտբոլային լեզվով ասած, կուսակցության «կենտրոնական հարձակվողը»: Նա բացահայտելու է Փաշինյանի թիմի բոլոր բացասական կողմերը, ընդ որում, նրան պերսոնալ չեն կարող մեղադրել ՀՀԿ-ի նախկին մեղքերի մեջ:

Լայն հանրության մեջ նրան հիշում են որպես 90-կան թվականների գործիչ: Արդյունքում ՀՀԿ-ն փորձելու է հանդես գալ որպես Փաշինյանի թիմի գլխավոր ընդդիմախոս:

Քաղաքական դաշտից ոչ ոք նման կոշտությամբ Փաշինյանին չի քննադատելու:

Արդյունքում ՀՀԿ-ին ամենայն հավանականությամբ կհաջողվի լուծել իր խնդիրը, ապագա ԱԺ-ում ներկայացված կլինի:

Եթե հաշվի առնենք, որ ապագա ԱԺ-ում ընդդիմությանը հասնելու է մոտ 30 մանդատ, ապա կարող ենք արձանագրել, որ ՀՀԿ-ին կհասնի 10-15 մանդատ: Եթե ԱԺ անցնեն չորս ուժ, կլինի 10 մանդատ, երեք ուժի դեպքում  ՀՀԿ-ի մանդատների քանակը կլինի մինջև 15-ը:

Այս կուսակցությունում հենց այդ հաշվարկն էլ կատարել են՝ ցուցակի առաջին 15 համարները լրացնելով քաղաքական դեմքերով:

Հարկ է նշել, որ ցուցակի բոլոր առաջին 15 անդամներն էլ «խոսացող են» և հայտնի: Եվ նույնիսկ բացասական առումով հայտնի լինելը օգուտ է բերելու, քանզի միշտ էլ հանրության մի ինչ որ հատված խիստ բացասական է տրամադրված լինում օրվա իշխանության նկատմամբ:

Այսպիսով, կարող ենք արձանագրել, որ այս ընտրություններով ՀՀԿ-ն փորձելու է գտնել իր տեղն ու դերը նոր պայմաններում և դուրս է գալու այն շփոթված վիճակից, որ հայտնվել էր այս տարվա ապրիլից հետո:

Արտակ Հակոբյան