Հետաքրքիր պայքար է սպասվում Սյունիքի եւ Վայոց ձորի մարզերն ընդգրկող ընտրատարածքում. այսօր փաստաթղթերը ԿԸՀ ներկայացնելու վերջնաժամկետն է

«Ժողովուրդ» թերթը գրում է. «Այսօր մինչ ժամը 18:00-ը, քաղաքական ուժերը պետք է Կենտրոնական ընտրական հանձնաժողով ներկայացնեն դեկտեմբերի 9-ին կայանալիք արտահերթ խորհրդարանական ընտրությունների մասնակցության համար անհրաժեշտ փաստաթղթերը: Եվ դրանից հետո կհրապարակվի կուսակցությունների համամասնական եւ վարկանիշային ընտրացուցակները եւ հետաքրքիր է ուժերի դասավորվածությունը ընտրատարածքներում, թե որ ընտրատարածքում ովքեր են առաջադրվելու: Այս առումով ականատես կարող ենք լինել, որ որեւէ տարածքի հետ կապ չունեցող անձինք են առաջադրվելու վարկանիշային թեկնածուներ:

Ընդ որում, կան ընտրատարածքներ, որտեղ կենտրոնացվածությունն ավելի մեծ է եւ անգամ նույն ընտրատարածքում նույն կուսակցությունից առաջադրված է հիմնական կորիզը: Օրինակ հատկապես հետաքրքիր պայքար է սպասվում Սյունիքի եւ Վայոց ձորի մարզերն ընդգրկող ընտրատարածքում, թիվ 2 (Արաբկիր, Աջափնյակ, Դավիթաշեն), թիվ 4 (Կենտրոն, Էրեբունի, Նուբարաշեն եւ Նորք Մարաշ) ընտրատարածքներում եւ Լոռու մարզում»:

Մանրամասները՝ թերթի այսօրվա համարում: