«Ռազմական սպառնալիքի դեպքում Ռուսաստանը կապահովի Հայաստանի անվտանգությունը». Պետդումայի պատգամավոր
ՌԴ պետդումայի պաշտպանության և անվտանգության հարցերով հանձնաժողովի փոխնախագահ Յուրի Շվիտկինը մեկնաբանել է ՀՀ պաշտպանության նախարարի պաշտոնակատար Դավիթ Տոնոյանի նախօրեին արված հայտարարությունը, որ ՌԴ ԶՈՒ-ն և սահմանապահները կարևոր դեր են խաղում Հայաստանի անվտանգության ապահովման գործում:
Պատգամավորի խոսքով՝ Ռուսաստանը պատրաստ է ռազմական ագրեսիայի դեպքում ապահովել Հայաստանի անվտանգությունը:
«Հայաստանը ՀԱՊԿ անդամ է, մենք այդ երկրի հետ ջերմ և կառուցողական հարաբերություններ ունենք, այդ թվում՝ ռազմատեխնիկական ոլորտում: Հայ և ռուս ժողովուրդները եղբայրներ են: Մենք միասին պատասխանատվություն ենք կրում ՀԱՊԿ անդամ բոլոր երկրների անվտանգության ապահովման համար և պատրաստ ենք դիմակայելու ցանկացած սպառնալիքի՝ որտեղից էլ այն գա», - ասաց Շվիտկինը: Հաղորդում է Riafan-ը:
Հետևեք մեզ Facebook-ում