Հարգարժան պարոն ԴեմիրՃյան, բա Դուք ինչո՞ւ եք հրաժարվում մասնակցել գալիք ընտրություններին

Գալիք ընտրություններին արդեն մի շարք կուսակցություններ հայտարարել են, որ պատրաստվում են մասնակցել:
Մյուսները հայտարարում են, որ պատրաստ չեն մասնակցելու ընտրություններին, քանզի հույս ունեին, որ այն կանցներ գալիք տարվա մայիս-հունիս ամիսներին, և ժամանակ կլիներ այդ միջոցառմանը մասնակցելու:

Դուք այն գործիչներից էիք, ով հայտարարում էր, որ ընտրությունները պետք է անցկացվեն օր առաջ, այսինքն՝ դեկտեմբերին: Տրամաբանական է, որ դրանից հետո Դուք պետք է հայտարարեիք, որ մասնակցելու էք գալիք ընտրություններին կամ դաշինքով, կամ՝ առանձին Ձեր կուսակցական ցուցակով:
Եթե Դուք հայտարարեք, որ չեք մասնակցելու ընտրություններին, ապա պետք է հայտարարեք, որ անվերապահ աջակցում էք Փաշինյանի թիմին և հենց դրա համար չեք մասնակցում: Եթե դա էլ չեք անելու, ապա պետք է հայտարարեք, որ այլևս քաղաքական գործիչ չեք, քաղաքագետ եք և այսուհետ այդ ամպլուայով եք հանդես գալու: Եթե դա էլ չեք անելու, ապա արդարացի կկոչվեք անպատասխանատու մարդ, ընդհանրապես:

Դավիթ Մկրտչյան