Ցուցմունք կորզելը չպետք է տեղ ունենա նոր Հայաստանում

Ինչպես հայտնի է¸ անհասկանալի քրեական գործի շրջանակներում կալանավորված է հայտնի գործարար Սամվել Մայրապետյանը: Ի պաշտպանություն նրան¸ արդեն հանդես են եկել մի շարք հայտնի ու հարգված մարդիկ՝ նրանց պահանջը մեկն՝ փոխել նրա խափանման միջոցը¸ քանզի մարդն ունի առողջական խնդիրներ: Ոչ ոք չի ասում դադարեցրեք գործի քննությունը¸ որովհետև բոլորն էլ ուզում են¸ որ արդարությունը դուրս գա ջրի երես¸ և առաջին հերթին հենց Մայրապետյանն է դա ուզում: Ինչպես գիտեք¸ վերջերս նաև Հ2 հեռուստաընկերության աշխատակիցները բաց նամակով դիմել էին Նիկոլ Փաշինյանին¸ որպեսզի նա լուծում տա այս հարցին: Եւ ArmLur-ի տեղեկություններով առաջիկայում այդ հարցը կստանա իր լուծումը:

Ուզում եմ պարզապես հետևյալ միտքը հասցնել կառավարության հարգելի ներկայացուցիչներին՝ «Նոր Հայաստանում» Սերժի Հայաստանին հատուկ երևույթները չպետք է տեղ գտնեն և առողջական խնդիրներ ունեցող մարդուն չի կարելի կալանքի տակ պահել միայն այն պատճառով¸ որ իրենից պետք է ցուցմունք կորզել այս կամ այն մարդու դեմ:

Դադարեցրեք այս արատավոր պրակտիկան: Եւ մի բան էլ¸ եթե Մայրապետյանի հարցը ադեկվատ և կոռեկտ լուծում չստանա¸ ապա նա կդառնա նախադեպ և հետագայում քաղաքական դրդապատճառներից ելնելով այլ մարդկանց նույնպես կարող են կալանքի տակ վերցնել և մինջև վերջ պահել¸ ինչպես օրինակ դա արեցին Հաց Բերողի հետ:

Գոռ Գասպարյանի ֆեյսբուքյան էջից