Արայիկ Հարությունյանը՝ Նովոյի որդու եւ քանաքեռցի Տույի քրոջ՝ ՔՊ թեկնածուներ լինելու մասին
Քաղաքացիական պայմանագիր կուսկացության վարչության անդամ Արայիկ Հարությունյանը չի հաստատում այն տեղեկությունները, որ Նապահետ Գեւորգյանի որդին եւ քանաքեռցի Տույի քույրը լինելու են ՔՊ-ի ռեյտինգային ցուցակում:
Հարցին, թե մամուլում տեղեկություն կա, որ ՀՀԿ-ական պատգամավոր Նահապետ Գևորգյանի որդին առաջադրվելու է ՔՊ կողմից ռեյտինգային թեկնածու, Արայիկ Հարությունյանը պատասխանեց. «Նահապետ Գևորգյանն ո՞վ է, ես նման տեղեկություն չունեմ»: Ինչ վերաբերում է քրեական հեղինակություն Տույի քրոջ մասին տեղեկատվությանը, նա պատասխանեց. «Անցած անգամ ասացի՝ երբ որ դուք մեր ցուցակը տեսնեք, այն ձեզ դուր կգա, վստահ եմ»:
Հարցին, թե ՔՊ-ն հույս դնո՞ւմ է քրեական հեղինակությունների վրա, Արայիկ Հարությունյանը պատասխանեց. «Ըստ էության համապետական ընտրությանը հավասար ընտրություն Երևան քաղաքում անցել է, որևէ նման երևույթ տեսե՞լ եք: Վստահաբար այստեղ էլ չեք տեսնի»:
Նա հավելեց, որ վերջնական ցուցակը դեռ պատրաստ չէ, քննարկումները շարունակվում են: Այն սկզբունքները, որոնք դրված են ցուցակի հիմքում, ըստ Արայիկ Հարությունյանի, այն են, որ մարդիկ պետք է ունենան որոշակի քաղաքական հետագիծ, պրոֆեսիոնալ հմտություններ, Ազգային ժողովում իրենց պրոֆեսիոնալ հմտությունները կիրառելու կարողություն:
Աղբյուր՝ Armtimes.com
Հետևեք մեզ Facebook-ում