Նովակ Ջոկովիչը գովել է թենիսիստ Կարեն Խաչանովին վերջինիս հաղթանակի կապակցությամբ (տեսանյութ)

Սերբ թենիսիստ Նովակ Ջոկովիչը մեկնաբանել է Փարզիում անցկացված «Մասթերս-100» շարքի մրցաշարի եզրափակիչում ռուսաստանցի Կարեն Խաչանովից կրած պարտությունը 5:7, 4:6 հաշվով:

«Կարեւոր է նշել, թե որքան լավ խաղաց Խաչանովն այս մեկ շաբաթվա ընթացքում: Նա միանգամայն արժանի էր հաղթանակի այս մրցախաղում: Հարգանք ու պատիվ նրան: Նա արժանի է դրան: Խաչանովը երիտասարդ խաղացող է, որը մշտապես կատարելագործում է իր ուժը: Նա արդեն կայուն թենիսիստ է, թոփ-խաղացող: Եզրափակիչում ես չցուցադրեցի բարձր որակի թենիս, ինչի մասին մենք երկար կխոսենք:

Իհարկե, ուրախ եմ, որ դառնում եմ աշխարհի առաջին ռակետ: Ես հաղթել էի 20 մրցախաղերում անընդմեջ, եւ դրանք անկրկնելի 5 ամիսներ էին»,- հաղորդում է Ջոկովիչի խոսքը NEWS.am-ը՝ ATP World Tour-ին հղելով:

Հիշեցնենք, որ այդ հաղթանակի շնորհիվ հայ մարզիկն առաջին անգամ կռառնա աշխարհի 11-րդ ռակետ, իսկ Ջոկովիչը նոյեմբերի 5-ին կգլխավորի ATP-ի դասակարգման աղյուսակը:

Դա մոսկվացի 22-ամյա թենիսիստի չորրորդ տիտղոսն էր կարիերայում եւ առաջինը՝ «Մասթերս» շարքի մրցաշարերում: Վերջերս Խաչանովը նվաճել էր նաեւ Մոսկվայում անցկացված Կրեմլի գավաթի խաղարկության հաղթողի կոչումը:

2009 թվականից հետո Կարեն Խաչանովն առաջին ռուսաստանցին է, որը հաղթում է «Մասթերս» շարքի մրցաշարում: Նախորդ անգամ դա հաջողվել էր Նիկոլայ Դավիդենկոյին, որը 12 տարի առաջ հաղթել էր Շանհայի մրցաշարում:

Բացի այդ, Խաչանովը Անդրեյ Չեսնոկովից, Նիկոլայ Դավիդենկոյից ու Մարատ Սաֆինից հետո չորրորդ ռուսաստանցին, որը տիտղոս է նվաճում «Մասթերս» շարքի մրցաշարում: