Ամուլսարի հանքի օրինակը օտարերկրա ներդրողները տեսնում, «դասեր» են քաղում

Առաջին անգամ պետք է խոստովանեմ, որ Շարմազանովի երեկվա ելույթը սրտիցս էր, իհարկե որոշ վերապահումներով: ՀՀԿ-ականն առաջինը խոսեց ներդրումներից, որը մեր երկրում դարձել է օրհասական հարց, խոսեց աշխատատեղերի կրճատումից, ինչը նույնպես կարևոր ու ճիշտ դիտարկում էր, թերևս ներդրումների նվազման ցուցանիշից է, որ աշխատատեղերը կրճատվել են կամ եղածներն էլ՝ փակվել:

Նախ՝ ասում եք խոհրդարանական ընտրություններից է կախված օտարերկրյա ներդրումները, ամեն ինչ կարծես կապում եք ընտրությունների հետ, բայց ինչո՞ւ եք եղածների առջև դռներ փակում, խոչընդոտներ ստեղծում: Շատերն արդեն հասկանում են այս պարզ մանիպուլացիան՝ երկրում այսօր կան խնդիրներ, որոնք ո՛չ ԱԺ-ից են կախված, ո՛չ ՀՀԿ-ից, ոչ էլ առաջիկա ընտրություններից:

Ասածիս որպես հիմնավորում նշեմ մեկ օրինակ. Լիդիան Արմենիա ընկերության աշխատանքները դադարեցվել են, քանի որ մեր կառավարությունն ականջալուր է լինում որոշ վարձկալ ակտիվիստների անհիմն գորգոռոցներին, որոնք ապօինաբար, չունենալով հավաստի փաստեր Ամուլսարի խախտումների մասով, փակում են ճանապարհներ, ու արդեն մի քանի ամիս է հարյուրավոր աշխատակիներ մնացել են անաշխատանք՝ չունենալով այլընտրանքային ճանապարհ: Ասենք, այս քայլը, այս օրինակը չե՞ք կարծում, որ օտարերկրյա ներդրողներ տեսնում ու դասեր են քաղում և փաստացի ստացվում է, որ Հայաստանում ամենախոշոր ներդրումներն անգամ կարող են չընդունվել, նրանց առաջ դռներ փակցել ու հորդորել սպասել… Սա այս կառավարության մեծագույն սխալներից է, որն այսօր արդեն կարող է «երեսով տալ» Հանրապետական կուսակցությունից ցանկացածը: Տնտեսությանը ձեր ասած «թռիչքային» զարգացումներ են պետք ցանկացած գնով, որպեսզի ՀՀԿ-ական ոչ մի դեմք ամբիոնից ելույթ չունենա մի բանի մասին, որը համացանցում մեծ թվով liker ու shear հավաքի, ինչը վկայում է այն մասին, որ հասարակության ոչ փոքր մասը համաձայն է ՀՀԿ-ականի բերած դիտարկումների հետ:

Սարգսյան Հելենի ֆեյսբուքյան  էջից