Քաղաքական ուժերը հայտնվել են իրենց իսկ կողմից սարքած թակարդի մեջ. Տեսանյութ

31 Հոկտեմբեր, 2018 13:53

Դիտել նաև

«Մոսկվան քո արցունքներին կարծես էլ չի հավատում». Էդուարդ Շարմազանով 1 շիշ օղի, 4 տուփ պանիր, 3 հատ երշիկ․ ի՞նչ է նվիրել Մոսկվան Փաշինյանին Չեմ հերքում, որ մայրիկիս եղել են հորդորներ սեփական դիմումի հիման վրա ազատվել․ Նիկոլ Փաշինյանի հետ բանավիճած կնոջ դուստր (տեսանյութ) Փաշինյանի հետ վիճած կինը 2020թ․ բռնի անհետացած համարվող Հրանտ Պապիկյանի քույրն է Մարզպետները իրար մեջ դժգոհել են Փաշինյանից. «Ամեն օր մի թարս բան խոսում է, մեզ գցում կրակը»

Եվ այսպես, այն բանից հետո, երբ պարզ է դարձել, որ ընտրությունները անցկացվելու են հին ընտրական օրենսգրքով, քաղաքական ուժերը խուճապի մեջ են հայտնվել:

Նրանցից շատերը չէին ակնկալում այսպիսի ելք, մտածելով, որ Փաշինյանի իշխանությունը թույլ չի տա, որ նոր ընտրական օրենսգիրքը չընդունվի:

Այսօր երբ փաստը կատարվել է, նրանք հայտնվել են շփոթության մեջ:

ՀԱԿ-ում, օրինակ, մտմտում են, իսկ արժե՞ արդյոք մասնակցել գալիք ընտրություններին առանձին ցուցակով: Իհարկե լավագույնը կլիներ, որ Փաշինյանը իրենց վերցներ իր դաշինքում, սակայն հասկանում են, որ դրա հավանականությունը գրեթե զրոյական է:
Ժառանգությունը, հույսը չի կորցրել՝ «համոզելու» Նիկոլին, որ նրանք դեռ «մեռած» չեն: Սակայն Փաշինյանը համառորեն չի նկատում ժառանգականներին: «Լույսի» ժողովուրդը համակերպվել է այն մտքի հետ, որ նա Փաշինյանի համար «խորթ զավակի» կարգավիճակ ունի:

Մյուսների մասին խոսք անգամ չկա: Նրանք Փաշինյանի համար գոյություն ունեն երկրի գեղեցիկ դեմոկրատական «պատկերը» չփչացնելու համար:

Հանուն արդարության պետք է նշել, որ սրանք նույնպես մնացել են որպես «հին» Հայաստանի անհաջողակ խորհրդանիշներ, այսօրվա «նոր» Հայաստանում բալաստի դերում են հայտնվել, և Փաշինյանի համար բացառապես օգտագործման ապրանքի դեր են կատարում, մանավանդ որ այդքան էլ դեմ չեն այդ դերակատարությանը:

Պարզ է, որ 2019-ից հետո մենք ունենալու ենք իսկապես նոր Հայաստան, որն ունենալու է նոր դերակատարներ՝ ինչպես իշխանության, այնպես էլ իրական ընդիմության դաշտերում:

Արտակ Հակոբյան