Մայրապետյանի գործը ևս մեկ անգամ ապացուցեց, որ ճիշտ են այն գործարարները, ովքեր Հայաստանում ձգտում են պատգամավոր դառնալ. Տեսանյութ

Գագիկ Ծառուկյանի հայտարարությունն այն մասին որ նա անձամբ է գլխավորելու կուսակցական ցուցակը գալիք ընտրություններում, կրկին աշխուժացրեց այն բանավեճը, թե ինչու են գործարարները ձգտում դառնալ պատգամավոր:

Իսկ վերջերս էլ վարչապետն էր զարմանում, թե ինչու են գործարարները ձգտում ԱԺ:
Արդեն քանի տարի է ինչ, մեր «պրոգրեսիվ» հանրությունը կոկորդ էր պատռում, թե ինչու է գործարարներին թույլ տրվում մասնակցել ԱԺ ընտրություններին:

Նշենք, որ և մեր «պրոգրեսիվ» հանրության հատվածը, և Փաշինյանը անկեղծ են զարմանում գործարարների այս մոտիվացիայի վրա:
Մենք էլ զարմանում ենք թե ինչքան պրիմիտիվ ու միակողմանի է մեր հանրության այս հատվածի պատկերացումները: 

Սրանք իրենց համարում են «պրոգրեսիվ», բայց իրականում խորը գավառականության տեր մարդիկ են, որոնք ոչ իրական արևմտյան արժեքների կրող են, ոչ էլ ժամանակակից պատկերացումների տեր մարդիկ են:

Մի՞թե պարզ չէ, թե ինչու են մեր գործարարներն ուզում ԱԺ պատգամավոր դառնալ.  որպեսզի Մայրապետյանի օրը չընկնեն:

Օրինակ, եթե Մայրապետյանը լիներ պատգամավոր, իշխանությունը կգնա՞ր այդ քայլին` խափանման միջողը ընտրելով, որպես կալանք: Իհարկե` ոչ: 

Բա ու՞ր են մեր մարդու իրավունքների ջատագովները, որոնք օր ու գիշեր խոսում էին բիզնեսին քաղաքականությունից տարանջատելու անհրաժեշտության մասին:

Ամեն ինչ սկսվում է այսպիսի փարիսեցիական  լռությունից, որից հետո ռեյտինգային ընտրական համակարգը դառնում է անհրաժեշտ, քանզի գործարարները Մայրապետյանի օրինակով տեսնում են, որ սաքունցների ու իոննիսյաների իրական ֆունկցիան Հայաստանում իրենց կողմից հռչակված կարգախոսների հետ ոչ մի կապ չունեն:
Եվ ոչ միայն նրանց, այլ նաև այն կուսակցությունների ներկայացուցիչների, որոնք անկեղծորեն հայտարարում են բիզնեսի ու քաղաքականության իրարից տարանջատման մասին:

Հարգելի «պրոգրեսիվ» գործիչներ, մտավորականներ, վերլուծաբաններ, լրագրողներ, քաղաքական գործիչներ և այլն, եթե անկեղծորեն ուզում էք, որ բիզնեսը տարանջատվի քաղաքականությունից, ակտիվ նպաստեք դրան ձեր քաղաքացիական դիրքորոշումներով, այլ ոչ թե դատարկ դեկլարատիվ կոչերով հանդես եկեք:

Դավիթ Մկրտչյան