Փոստով ռումբեր ուղարկելու մեղադրանք է առաջադրվել Սայոկին

Ամերիկացի Սեզար Ալտիերի Սայոկին առաջադրել են մեղադրանք` հայտնի դեմոկրատներին և նախագահ Դոնալդ Թրամփի քննադատներին փոստով 14 ինքնաշեն ռումբեր ուղարկելու համար, այս մասին հաղորդում են միջազգային լրատվամիջոցները:: 

Սայոկի համար խափանման միջոց է ընտրվել կալանքը, և դատարանը Սայոկին զրկել է գրավով ազատ արձակվելու իրավունքից:

Հիշեցնենք, որ նախօրեին ոստիկանները հայտնաբերել և վնասազերծել են Ատլանտայում CNN հեռուստատեսության կենտրոնակայանի հասցեով ուղարկված պայթուցիկով ևս մեկ ծանրոց:

56 ամյա Սեզար Ալտիերի Սայոկը դաշնային դատարանում ի գիտություն է ընդունել իրեն ներկայացված մեղադրանքը և որևէ մեկնաբանություն չի արել:

Նրա փաստաբան Ջամի Բենջամենը մեղադրանքը որակել է որպես անհամոզիչ:

Սայոկի գործն ամենայն հավանականությամբ կքննվի Նյու Յորքի նահանգային դատարանում, քանի որ այդ նահանգում են պայթուցիկով ծանրոցների հասցեատերերի մեծ մասը:

Հիշեցնենք, որ օրեր  միջազգային լրատվամիջոցները տեղեկացրեցին, որ անհայտ անձինք պայթուցիկներով փաթեթներ են ուղարկել միլիարդատեր Ջորջ Սորոսին, ԱՄՆ նախկին փոխնախագահ Ջո Բայդենին, ԱՄՆ նախկին նախագահ Բարաք Օբամային, նախկին պետքարտուղար Հիլարի Քլինթոնին, Նյու Յորքի նահանգապետ Էնդրյու Կուոմոյին, ինչպես նաև CNN-ի խմբագրություն, ինչը հիմք է տալիս ենթադրելու, որ այս ամենի հետևում ազգայնականներն են:

Zham.am