Ինդոնեզիայում օդանավ է կործանվել թռիչքից րոպեներ անց. 188 մարդ է զոհվել (լուսանկար¸ տեսանյութ)

Ինդոնեզական Lion Air ավիաընկերությանը պատկանող Boeing 737 օդանավը ծովն է ընկել Ջակարտայի օդանավակայանից թռիչքից մի քանի րոպե անց: Ինչպես հաղորդում են Ինդոնեզիայի իշխանությունները¸ այն ծովն է ընկել Ճավա թերակղզու արևմտյան ափի մոտ: Հաղորդում է BBC-ն: 

JT-610 ավիաչվերթը կատարող օդանավն ուղևորվում էր ինդոնեզական Պանկալպինանգ քաղաք: 

Տեղական ԶԼՄ-ի տվյալներով¸ օդանավում 188 մարդ էր գտնվում այդ թվում երեք երեխա և անձնակազմի անդամները:

Ինդոնեզիայի ռազմա-ծովային ուժերը ռազմական նավեր են ուղարկել դեպքի վայր:

Ինդոնեզիայի Արտակարգ իրավիճակների ազգային գործակալության քարտուղարը  հաղորդել է, որ ոչ ոք կենդանի չի մնացել:

Ռուսաստանի զինվորական օդաչու, տեխնիկական գիտությունների թեկնածու Վլադիմիր Պոպովը ռադիոեթերով խոսել է ինքնաթիռի կործանման հնարավոր պատճառների մասին նշելով, որ այս պահին շատ դժվար է ասել, ինչ է կատարվել օդանավի հետ: Նա մի քանի պատճառների մասին է խոսել, այդ թվում տեխնիկական և եղանակային, և ասել է, որ եթե թռիչքից րոպեներ անց անձնակազմը վայրէջք է խնդրում, նշանակում է` այնուամենայնիվ այնտեղ վթարային իրավիճակ է եղել:

Zham.am

Debris of #JT610
Still hopping for the best https://t.co/8X50MElve0

— the traveller (@deflute) October 29, 2018