Սաուդյան Արաբիայի ԱԳՆ-ն «հիստերիա» է անվանել լրատվամիջոցների արձագանքը` լրագրողի սպանությանը

Սաուդյան Արաբիայի արտաքին գործերի նախարար Ադել ալ Ջուբեյրը «հիստերիա» է անվանել  աշխարհի լրատվամիջոցների արձագանքը՝  սաուդցի ընդդիմադիր լրագրող Ջամալ Խաշոգջիի սպանությանը. այս մասին գրում է «РИА Новости» գործակալությունը:

Ադել ալ Ջուբեյրը Բահրեյնում ունեցած ելույթի ժամանակ ասել է, որ պետք է սպասել հետաքննության արդյունքներին, որի համար ժամանակ է պահանջվում և հավելել է, որ այդ գործի հետ կապված ամեն օր նոր ապացույցներ են փնտրվում: Նա հայտարարել է նաև, թե որոշ մարդիկ գերագնահատել են իրենց իրավունքները:

Սաուդյան Արաբիայի արտաքին գործերի նախարարը հայտարարել է նաև, որ ԱՄՆ-ի հետ ունեն երկաթե հարաբերություններ, ԱՄՆ նախկին նախագահ Օբամայի ղեկավարման ժամանակ հարաբերությունները գնահատելով դժվար, նա նշել է, որ թագավորությունում Թրամպի վարած արտաքին քաղաքականությունը իրատեսական է և ռացիոնալ: 

Հիշեցնենք, որ սաուդցի ընդդիմադիր լրագրող Ջամալ Խաշոգջին, ով աշխատում էր The Washington Post  - ում և 2017թ. -ից ապրում էր ԱՄՆ -ում, անհետացել էր  Ստամբուլում՝ Սաուդյան Արաբիայի հյուպատոսություն մուտք գործելուց հետո:

Թուրքական ոստիկանության վարկածի համաձայն՝ լրագրողը սպանվել է Ստամբուլում Սաուդյան Արաբիայի հյուպատոսության շենքի ներսում: Մինչդեռ հյուպատոսարանից հայտնում էին, թե Խաշոգջին կորել է հյուպատոսության շենքից դուրս գալուց հետո:

Ավելի ուշ Սաուդյան Արաբիան հաստատել է, որ լրագրողը մահացել է, ըստ նրանց՝ դա տեղի է ունեցել հյուպատոսության ներսում ծագած վեճի հետևանքով:

Zham.am