Ջոն Բոլթոնը չի կարող խոսել իմ անունից. Նիկոլ Փաշինյան

Վարչապետի պաշտոնակատար Նիկոլ Փաշինյանի խոսքով՝ ոչ ԱՄՆ նախագահի Ազգային անվտանգության հարցերով խորհրդական Ջոն Բոլթոնը, ոչ էլ որևէ մեկը չեն կարող խոսել իր անունից։

Այդ մասին նա այսօր ասաց լրագրողների հետ զրույցում՝ պատասխանելով հարցին, թե ինչպես է վերաբերվում Բոլթոնի այն գնահատականին, թե վարչապետ ընտրվելուց հետո Փաշինյանը կարող է վճռական որոշումներ կայացնել նաև ԼՂ հարցով։

Վարչապետի պաշտոնակատարը խոսեն նաեւ հոկտեմբերի 27-ի դեպքերի մասին: Նիկոլ Փաշինյանը՝ անդրադառնալով հարցին, թե արդյոք կվերաբացվի «Հոկտեմբերի 27»-ի գործը:

Նրա խոսքով, այդ հարցով տուժողների իրավահաջորդները եւ նրանց ներկայացուցիչները ավելի շատ ասելիք կունենան, որովհետեւ իրենք են գործի մանրամասներին ծանոթ: Փաշինյանը նկատեց, որ ժամանակին որպես լրագրող առնչվել է այդ գործին, բայց տվյալ դեպքում, հենց տուժողների իրավահաջորդները պետք է ասելիք ունենա:

Հարցին, թե իր կարծիքով «Հոկտեմբերի 27»-ի թիկունքում արտաքի՞ն ուժեր էին, թե ներքին, նա պատասխանեց. «Ես այսօրվա իմ կարգավիճակում չեմ կարծում, որ ճիշտ է որեւէ մեկնաբանություն անեմ»:

Zham.am