Մարզերում գործող շատ գազալցակայաններ վաճառվում են. պատճառներից մեկը ակցիզային հարկի բարձրացումն է

«Ժողովուրդ» թերթը գրում է. «Հատկապես մարզերում գործող գազալցակայանների շատ սեփականատերեր վաճառքի են հանել իրենց ու­նեցվածքը: Պատճառներից մեկը ակցիզային հարկի բարձրացումն է, երբ այս տարվա հունվարի 1-ից սկսած սեղմված գազի 1000 խմ-ի ակցիզային հարկը 8300 դրամից դարձավ 25 հազար դրամ:

Ու հիմա սեփականատերերը պնդում են, որ դա այլևս շահութաբեր բիզնես չէ: Մյուս կողմից նրանց առաջ նոր խնդիրներ են ծառացել. ՀՀ տարածքային կառավարման և զարգացման նախարարությունը պարտադրում է գազալցակայանների սեփակա­նատերերին բարձրորակ զուգարաններ կառուցել, դրանք սահմանված չափանիշներով շահագործել: Հայաստա­նի միջպետական ճանապարհներին հասարակական զուգարաններ չկան: Իսկ եթե կան, ապա գտնվում են խիստ անմխիթար և հակահիգիենիկ վիճակում, որից օգտվելն ուղղակի հակացուցված է: Ու հիմա շատերը որոշել են այդ խնդիրներից զերծ մնալու համար պարզապես վաճառել ունեցվածքը: Նշենք, որ վաճառքի համար նախա­տեսված ինտերնետային կայքերը հիմա հեղեղված են նման հայտարարություններով»։

Մանրամասները՝ թերթի այսօրվա համարում։