Ի՞նչ զիջում էր ուզում Բոլթոնը Փաշինյանից (Տեսանյութ, Լուսանկար)

Հայաստանում շատերը Բոլթոնի այցը դիտարկում էին, ղարաբաղյան խնդրի կտրվածքով: Արտաքուստ, հենց այդպես էլ կար: Բոլթոնը խոսեց Վաշինգտոնի շահագրգռվածության վերաբերյալ՝ հարցում առաջխաղացում տեսնել և էլի հերթական նախադասություններով հանդես եկավ:

Իսկ վերջում, Փաշինյանին առաջարկեց «համարձակ» քայլերի դիմել բանակցային գործընթացում, ընտրություններից հետո, ինչի պատճառով, շատերը մտահոգվեցին: Ինչու՞ են հենց Փաշինյանից զիջումներ պահանջում, երբ Բաքվի կողմից զիջման նշույլ անգամ չի երևում:

Այս հարցը հուզում է, ոչ միայն վերլուծաբաններին ու քաղաքական գործիչներին, այլև հենց իրեն՝ Փաշինյանին, ով չի հասկանում, թե ինչու՞ են հենց իրենից զիջումներ պահանջում, երբ ինքը դեմոկրատական Հայստանի խորհրդանիշն է հանդիսանում, մինչդեռ, Ադրբեջանի բռնապետական ռեժիմից ինչպես ասում են, ձեն-ձուն չկա:

Քանի, որ Փաշինյանից զիջումներ են պահանջում, ոչ միայն ամերիկացիները, այլև մյուս շահագրգիռ կողմերը, այս մասին մենք կվերլուծենք, մեր հաջորդ հոդվածում: Իսկ կոնկրետ Բոլթոնի այցի վերաբերյալ նշենք, որ այն հիմնականում նպատակ ուներ, շոշափել Ռուսաստանի և կովկասյան երկրների դիրքորոշումները Իրանի հանդեպ: Քանզի, ամենայն հավանականությամբ, այս երկրի շուրջ ինչ որ զարգացումներ պիտի սպասվեն: Եվ Վաշինգտոնը ուզում է հասկանալ , թե ինչքանով են կապված անդրկովկասյան երկրները Թեհրանի հետ:

Հիշեցնենք, որ մինչ այդ էլ, Բաքու էր ժամանել Իսրաելի զինվորական պատվիրակությունը, այդ երկրի բանակի գլխավոր շտաբի պետի գլխավորությամբ:

Բացի այդ, Բոլթոնը ուզում էր շոշափել, թե Փաշինյանի թիմը ինչքանով հետաքրքրված կլինի նաև ամերիկյան զենքի մատակարարման հարցով: Հասկանալի է, որ Վաշինգթոնը այստեղ վարելու է «մաքոքային» քաղաքականություն, որը իր հերթին, կարող է հունից հանել Մոսկվայի նյարդերը:

Պատրա՞ստ է արդյոք Փաշինյանը և իր թիմը դիմակայել այս մարտահրավերներին, ցույց կտա ժամանակը;

Արտակ Հակոբյան