Ադրբեջանը Սաակաշվիլիո՞վ է սպառնում Վրաստանում իշխող կառավարությանը
Ադրբեջանական կառավարությունն ի պատասխան Վրաստանում իշխող «Վրացական երազանք» կոալիցիայի գործողությունների, որոնք շարունակում են հարթակ տրամադրել Ադրբեջանի դեմ գործող ընդդիմադիր տարրերին, կարող է ապաստան տրամադրել այդ երկրի նախկին նախագահ Միխեիլ Սաակաշվիլիի կողմնակիցներին, որի վարկանիշն աճում է օր-օրի: Հաղորդում են ադրբեջանական ԶԼՄ-ը:
Ադրբեջանական լրատվամիջոցները գրում են, որ Սաակաշվիլիի հարաբերություններն Ադրբեջանի հետ միշտ լավ են եղել: Հենց Սաակաշվիլիի ժամանակ ադրբեջանա-վրացական հարաբերությունները հասան ռազմավարական գործընկերության մակարդակի: Սաակաշվիլին նաև անձնական ընկերական հարաբերություններ ունի ադրբեջանական կառավարության անդամների հետ: Սակայն Վրաստանի նոր իշխանությունների հետ հարաբերությունները չփչացնելու համար, պաշտոնական Բաքուն սահմանազատվել է Միխեիլ Սաակաշվիլիից, բայց ի պատասխան ստացել հակառակը:
Նշվում է, որ ընդդիմադիրներին հարթակ տրամադրելը, որոնք տարատեսակ արտասահմանյան դրամաշնորհներ են ստանում Վրաստանի տարածքով, կարող է հանգեցնել նրան, որ Բաքուն կարող է ապաստան տրամադրել Սաակաշվիլիի կողմնակիցներին:
Այդ դեպքում Միխեիլ Սաակաշվիլիի հայտնվելը տարածաշրջանում կարող է իրական մղձավանջի վերածվել «Վրացական երազանքի» համար:
Zham.am
Հետևեք մեզ Facebook-ում