ԵԱՀԿ մամուլի ազատության հարցերով ներկայացուցիչը տեղեկացել է Մայրապետյանի գործի մասին
Politica.am-ի ունեցած տեղեկություններով երեկ ԵԱՀԿ մամուլի ազատության հարցերով ներկայացուցիչ Հարլեմ Դեզիրը փակ հանդիպում է ունեցել սահմանափակ թվով լրատվամիջոցների ղեկավարների ու լրագրողական կազմակերպությունների ներկայացուցիչների հետ:
Հանդիպման ժամանակ Երևանի մամուլի ակումբի նախագահ Բորիս Նավասարդյանը հանգամանորեն ներկայացրել է Սամվել Մայրապետյանին կալանքի տակ պահելու պատմությունը: Հիշեցնենք, Սամվել Մայրապետյանը Հ2 հեռուստաընկերության ղեկավարն է:
ԵԱՀԿ մամուլի ազատության հարցերով ներկայացուցիչը ոչ միայն ուշադիր լսել է Նավասարդյանին, այլ նաև նշումներ է արել՝ սկզբից մինչև վերջ: ԵԱՀԿ մամուլի ազատության հարցերով ներկայացուցիչ Հարլեմ Դեզիրը նաև պաշտոնական հանդիպումներ է ունեցել: Լրատվամիջոցների փոխանցմամբ՝ նա հանդիպում-քննարկում է ունեցել ԱԳ նախարար Զոհրաբ Մնացականյանի հետ. անդրադարձ է եղել երկրում խոսքի և մամուլի ազատության ապահովման ուղղությամբ կառավարության կողմից ձեռնարկվող ջանքերին:
Հետևեք մեզ Facebook-ում