Նիկոլ Փաշինյանը չընտրվեց (Տեսանյութ)

Այսօր՝ հոկտեմբերի 24-ին Ազգային ժողովը նիստ էր գումարել ՀՀ վարչապետ ընտրելու համար: Վարչապետի միակ թեկնածուն Նիկոլ Փաշինյանն էր, ում  առաջադրել էր «Ելք» դաշինքը: 

Հիշեցնենք, որ վարչապետի թեկնածուի այսօրվա ընտրությունը կրում էր ձևական բնույթ և կուսակցությունների ու դաշինքների միջև ձեռք բերված պայմանավորվածության համաձայն՝ ոչ ոք չպետք է կողմ քվեարկեր վարչապետի թեկնածուի օգտին: Սա միակ օրինական ճանապարհն է, որպեսզի գործող ԱԺ-ն ցրվի և սույն թվականի դեկտեմբեր ամսին տեղի ունենան արտահերթ ընտրություններ: 

ԱԺ այսօրվա քվեարկությանը չմասնակցեցին ՀՀԿ և ՀՅԴ կուսակցությունները, «Ելք» դաշինքը ձեռնպահ մնաց:  

«Կողմ՝ զրո, դեմ՝ մեկ, ձեռնպահ՝ տասնմեկ, որոշումը չի ընդունվել»,- հայտարարեց ԱԺ նախագահ Արա Բաբլոյանը և շնորհավորեց Նիկոլ Փաշինյանին՝ չընտրվելու համար:

Հիշեցնենք, որ վարչապետի հաջորդ ընտրությունը մեկ շաբաթից է:

 Zham.am