Վահրամ Փափազյանն ու Հրաչյա Ներսիսյանը կնախանձեին մեր այսօրվա քաղաքական գործիչների «վարպետության» դասերին

Այսօրվա մեր ԱԺ-ն և քաղաքական գործիչներն ընդհանրապես, վերածվել են իսկական դերասանների:

Փաշինյանը հրաժարական է տալիս և կոչ է անում իրեն... կրկին չընտրել վարչապետի պաշտոնում, իսկ նրա ֆեյսբուքյան կողմնակիցները այս «բարդ» կոմբինացիան չեն հասկանում և սկսում են քննադատության թիրախ դարձնել նույնիսկ իրենց կողմնակիցներին: Սակայն եթե դա ինչ որ չափով հասկանալի է, ապա ԸՕ-ի շուրջ աղմուկը ոչ միայն ծիծաղելի է, այլև լացելի: 

Պատգամավորները ստորագրահավաք են անցկացնում՝ գալիք երկուշաբթի կրկին քննարկելու համար այս խնդիրը, երբ բոլորին է հայտնի, որ նախաձեռնողները մեղմ ասաց անկեղծ չեն: Քանզի այս խնդիրը ոչ մեկին ներկայիս ԱԺ-ում շահավետ չէ լուծել տարբեր պատճառներով:

Միգուցե Ուրիխանյանին ու էլի մեկ - երկու հոգու դա հուզի, սակայն մեծ հաշվով, այս հարցում հիմնական ուժերը իրենց ձեռքերը լվացել են և դա գիտեն բոլորը: Սակայն թատրոն խաղալը, պարտադիր է, որպեսզի ամբոխը տեսնի, որ բացի ՀՀԿ-ից բոլորն ուզում են նոր օրենսգրքով հանդես գալ:

Վերջին 28 տարվա ընթացքում, այսպիսի քաղաքական ներկայացում չէինք տեսել, այնպես, որ նույնիսկ Հրաչյա Ներսիսյանը կնախանձեր մեր նորօրյա դերասաններին:

Թերևս, այստեղ միայն ՀՀԿ-ն էր, որ դերասանությամբ չէր զբաղված:

Դավիթ Մկրտչյան