«Իմ քայլը» դաշինքի ո՞ր համարն է լինելու Գևորգ Կոստանյանը. Տեսանյութեր
Շատերը կարող են զարմանալ, այս հարցադրումով: Սակայն փորձենք փաստերով խոսել: Երկրի ՊՆ-ի, ԱԳՆ-ի և ՆԳՆ-ի ղեկավարները նախկին իշխանության մարդկանցից է կազմավորված: Շատերը կնշեն, որ նրանք «պրոֆեսսիոնալներ են», բայց ո՞վ ասաց, որ Գևորգ Կոստանյանը պրոֆեսիոնալ չէ: Ինչո՞ւ պիտի այսպիսի քաղաքական «ռասիզմի» դրսևորում լինի Կոստանյանի հանդեպ: Ինչո՞վ է նա պակաս Հունան Պողոսյանից կամ Վալերի Օսիպյանից: Ավելին, ի տարբերություն նրանց, Կոստանյանը մարդ չի ծեծել, Առաջնորդի վրա չի թքել: Բայց արի ու տես, որ ամենաշատը հենց Կոստանյանն է պարսավանքի ենթարկվում «անշնորհակալ» հանրության կողմից:
Իսկ Արարատ Միրզոյանի հայտնի հայտարարությունից հետո, հուսանք, որ ներառական սկզբունքի համաձայն, Կոստանյանին կընդգրկեն «իմ քայլը» դաշինքի ցուցակում, մանավանդ որ Գևորգը շատ գրագետ իրավաբանորեն կձևակերպի Փաշինյանի ցանկացած գործողություն: Հա, մի շատ կարևոր բան էլ մոռացանք նշել, Գևորգը հաստատ չի ճանաչում Քոչարյանին և նրա հետ էլ չի աշխատել:
Այնպես որ, դուխով Գևորգի հաշվին, «կոտրեք» բոլոր քաղաքական բարիկադները, քանի դեռ ժամանակ կա տժժալու:
Դավիթ Մկրտչյան
Հ.Գ. Դիտեք Կոստանյանի այս երկու հարցազրույցները` 10 ամսվա տարբերությամբ, և կհասկանաք, որ նման «սկզբունքային» մարդը չի կարող անտեսվել այս իշխանության կողմից:
Հետևեք մեզ Facebook-ում