Լֆիկը «դուխով» օղի է քաշում. Ապրի Սամոն, հենց այդպիսին պիտի լինի օրինապաշտ գործարարը (Տեսանյութ)

ՀՀԿ-ական նախկին օլիգարխ Ալեքսանյան Սամվելն իշխանափոխությունից հետո արագ կողմնորոշվել է և դուխով սկսել է շարունակել օղու արտադրության ընդլայնման ծրագրերը: Եվ այդ գործում նա շատ ավելի կրեատիվ մոտեցումներով է հանդես եկել: Զգալով, որ իր նոր շեֆին` Նիկոլին, որի վրա ժամանակին բառիս բուն իմաստով թքում էր, դուր է գալիս հեղափոխական ատրիբուտիկայի օգտագործումը, որոշել է «Դուխով» օղի արտադրել` հույս ունենալով, որ այս միտքը ըստ արժանավույն կգնահատվի թե Նիկոլի, և թե իր կողմնակիցների կողմից: Պարզապես զարմանալ կարելի է, թե ինչպիսի ճկուն են և շատ` մեր հանրության մեջ այսպիսի դեմքերը:

Ապրի Լֆիկը, ապրի, տարոսը մյուս օլիգարխներին, և այս համատեքստում զարմանալի չէ, թե ինչու այս և այլ մականունավորների գործերից ձեն-ձուն չկա:

Բայց որպեսզի հանրությանը ինչ որ գործ մատուցվի, այն պետք է մոգոնել: Ասենք, 10 տարվա վաղեմության գործով 2 ամսով կալանավորել մյուս Սամվելին` Մայրապետյանին, որի միակ մեղքը կայանում է նրանում, որ մականունավոր չէ և «դժբախտություն է ունեցել» ծանոթ լինել ՀՀ 2-րդ նախագահին: Այ եթե դա չլիներ, ապա դուխով կարող էր շարունակել իր գործը:
Բայց պարզ է մեկ բան, որ այս մառազմը երկար շարունակվել չի կարող, քանզի այսպիսի բացահայտ խտրականության դրսևորումներով այս իշխանությունը շատ արագ կնքելու է իր քաղաքական մահկանացուն:

Դավիթ Մկրտչյան