Հունան Պողոսյանը որպես «ենիչերի՞ է»` նշանակված Փաշինյանի կողմից

Հունան Պողոսյանի նշանակումը Սյունիքի մարզպետի պաշտոնում շարունակում է քննարկման թեմա մնալ, քանզի մարդիկ զարմացած են այս նշանակումով և տարատեսակ վարկածներ են ներկայացնում դրա շուրջ: Հատկապես շատերին զարմացրել է, որ Պողոսյանը Սյունիքի մարզպետ է նշանակվել, թեպետ նա ծագումով սյունեցի չէ: Փաստորեն ստացվում է, որ Փաշինյանը կամ սյունեցի ծանոթ բարեկամ չունի, կամ էլ ընդհանրապես չի վստահում սյունեցիներին:

Քաղաքական տեսանկյունից սա նաև լուրջ մեսիջ էր Սասնա Ծռերին, քանզի բոլորին է հայտնի, թե ինչ են մտածում նրանք այդ անձի վերաբերյալ:

Սակայն ամենահետաքրքիր վարկածն այս նշանակման վերաբերյալ առաջարկեց  Լիսկայի նախկին խորհրդական Վոլոդյա Հովհաննիսյանը: Ըստ նրա, այս նշանակումով, և միաժամանակ նրա դեմ ցույց կազմակերպելով, Փաշինյանը ուզում է հասկացնել Հունան Պողոսյանին, որ վերջինս բացառապես կախված է իրենից և ավելորդ խաղեր տալու դեպքում կարող է կորցնել իր պաշտոնը: Հաշվի առնելով, որ այսօր Լիսկայի նախկին խորհրդականը դարձել է Փաշինյանի կողմնակիցը, նշանակում է նա մի բան գիտի, որ նման կարծիք է հայտնում:

Մնում է սպասել, թե երբ է Լիսկայի նախկին խորհրդականին Փաշինյանը պաշտոն շնորհելու, այսպիսի «խելամիտ» մտքեր արտահայտելու համար:

Դավիթ Մկրտչյան