Հեռացող դեսպանի հայտարարությունը կարող եք համարել հեռացող մեսիջ․ Ն․ Փաշինյանը՝ ԱՄՆ դեսպանի սկանդալային հայտարարության մասին (տեսանյութ)

Վարչապետի ժամանակավոր պաշտոնակատար Նիկոլ Փաշինյանի համոզմամբ՝ ՀՀ-ում ԱՄՆ այլևս նախկին դեսպան Ռ․ Միլսի երեկվա հայտարարությունը կարելի է համարել որպես հեռացող դեսպանի հեռացող մեսիջ։ Այս մասին այսօր Հյուսիսային պողոտայում լրագրողների հետ զրույցում ասաց Փաշինյանը՝ պատասխանելով հարցին՝ ինչպե՞ս է գնահատում դեսպանի այդ արտահայտությունը։ Հիշեցնենք, որ Հայաստանում ԱՄՆ նախկին դեսպան Ռիչարդ Միլսը EVN Report-ի հետ զրույցում բացառել է Արցախյան հակամարտության հարցի կարգավորումն առանց «գրավյալ տարածքների որոշակի մասի վերադարձի»:

«Ես զարմացած էի, երբ առաջին անգամ այստեղ եմ եկել և պարզել, որ ինձ հանդիպած հայերի մեծամասնությունը կտրականապես դեմ է եղել օկուպացված տարածքների վերադարձին` որպես բանակցային գործընթացի մի մաս: Ինձ զարմացնում է այն փաստը, որ Հայաստանում գրեթե քննարկում չկա ընդունելի լուծման կամ հնարավոր փոխզիջումների մասին»,- ասել է Ռիչարդ Միլսը։

Մանրամասները՝ Factor.am-ի տեսանյութում։