Ի՞նչն է միավորում գազանանոցից փախած իշխանական բլոգերին և դաշնակ հաղորդավարին

Ես սենց բան չեմ սիրում անել, բայց էս անգամ պիտի գրեմ, որովհետև համբերությանս բաժակը լցվել ա։ Օհանյան-Րաֆֆի-Օսկանյան դաշինքի ստեղծումից հետո իշխանական ԶԼՄ-ներից սկսած, լևոնականներով, ելքականներով, գազանանոցից փախած բլոգերներով ու «սկզբունքային» դաշնակներով վերջացրած՝ բոլորը հարձակվել են դաշինքի վրա։

Այդ գործում իր ավանդը փորձեց ունենալ նաև «Երկիր Մեդիայի» հաղորդավար Դավիթ Սարգսյանը, ով հյուր հրավիրելով Արմեն Մարտիրոսյանին ամբողջ հաղորդումը փորձում էր «Հռոմի պապից ավելի կաթոլիկ երևալ» ու շահարկել մարտի 1-ի թեման։ Դուք, պարոն Սարգսյան Դավիթ, մի փորձեք օբյեկտիվություն խաղալ, միևնույն է՝ չի ստացվում։ Դուք աշխատում եք դաշնակների հեռուստաալիքում, ձեր ալիքի տեր Հրանտ Մարգարյանը մարտի 1-ի 10 զոհերի շահառուի հետ կոալիցիա է կազմել, հիմա Սերժի հետ կոալիցիայի մեջ է։ Եվ եթե դաշնակները փորձում են «շատ խիստ բարոյական» երևալ, ապա թող հասկանան, որ դա չի ստացվելու, քանզի իրենք այսօր կանգնած են մի մարդու կողքին, ով և մարտի 1-ի 10 զոհերի գնով իշխանության է եկել, և երկրիրն է թալանել, և 800 հեկտար «անպետք» հող է հանձնել։

Հետագայում եթերում «պատվերով համերգ» իրականացնելիս խորհուրդ կտամ դաշնակներին միքիչ մտածել, թե չէ իրենց դեմ այնքան բան կա ասելու, որ եթե մեկ ամբողջ օր նստես գրես, ապա վերջում էտ գրածդ կարող ես անվանել «Սկզբունքայինի հիշատակարանը»։

Անդրանիկ Վարդանյանի ֆեյսբուքյան էջից