Փաշինյանի թիմը չպետք է մոռանա, որ քաղաքականության մեջ անթերի ճշգրտությամբ է գործում բումերանգի օրենքը

Այն, ինչ այսօր կատարվում է ՀՀԿ-ականների հետ, հակազդեցությունն է այն գործելաոճին, որ տարիներ շարունակ հանրությունը ստացել է ՀՀԿ-ից: Վերջինս մենաշնորհի կարգավիճակում լճացավ ու անտեսեց բոլոր այն պրոբլեմները, որոնց մասին մենք տարիներ շարունակ նախազգուշացնում էինք նրանց: Թվում էր, թե ապրիլյան «թավշյա» հեղափոխությունը ամեն ինչ իր տեղը կդնի: Սակայն պարզվեց, որ հիմա էլ նույն ոչ ադեկվատ դրսևորումներն ենք տեսնում արդեն հակառակ ճամբարից: Այստեղ իհարկե գործում է հայտնի բումերանգի օրենքը, և դա հանրապետականները իրենց մաշկի վրա են սկսում զգալ: Սակայն եթե այսպես շարունակվի, ապա նույն բումերանգի օրենքը կսկսի աշխատել նաև փաշինյանականների վրա, քանզի ինչպես հայտնի է, բումերանգի օրենքը, կուսակցական պատկանելիություն և այս կամ այլ գաղափարական ուղղվածություն չի ճանաչում:

Եվ դա ինչքան շուտ հասկանան փաշինյանականները, այնքան լավ կլինի իրենց և երկրի համար: Քանզի ատելությունն ու քինախնդրությունը դեռ ոչ մեկին ճիշտ տեղ չեն տարել:

Արտակ Հակոբյան