Ինչու՞ Վլադիմիր Գասպարյանի տեղակալին Փաշինյանը նշանակեց Սյունիքի մարզպետ

Ապրիլյան «թավշյա» հեղափոխության հիմնական կարգախոսներից էր՝ տարանջատել բիզնեսը պետական իշխանական կառավարման համակարգից: Անշուշտ, գաղափարը վատը չէր: Հետո, պարզվեց, որ նման տարանջատումը այդքան էլ չի գործում Փաշինյանի վարչակազմում: Այսօր դրա մասին ընդունված չէ խոսել, սակայն Հունան Պողոսյանի նշանակումը իր մեջ յուօրինակ սիմվոլիզմ էր պարունակում, դրա համար էլ մեծ արձագանք ստացավ: Փաշինյանին աջակցող լրատվամիջոցներից մեկը, որ վերջին 10 տարիներին «պայքարում էր» օլիգարխիկ համակարգի դեմ, այսօր այն վարկածն է հայտնել Պողոսյանի նշանակման առիթով, որ պարզվում է նախկին փոխոստիկանապետը և նրա եղբայրը բիզնես կապեր ունեն Իրանի հետ, և մասնավորապես, եղբայրը երկար տարիներ զբաղվում է Իրանից ցիտրուսային մրգերի ներկրմամբ ու մեծածախ վաճառքով:

Եթե ճիշտ է այս ամենը, ապա կարո՞ղ ենք արձանագրել, որ Պողոսյանին Սյունիքի մարզպետ նշանակելով՝ Փաշինյանը նպատակ ունի էլ ավելի աջակցել Պողոսյան եղբայրների բիզնեսին: Եթե հաշվի առնենք, որ այս լուրը տվող լրատվամիջոցը Փաշինյանի շրջապատից է, ապա առաջանում է հետևյալ հարցադրումը՝ բա ի՞նչ եղավ բիզնեսի և չինովնիկի տարանջատման սկզբունքը: Թ՞ե այս ամենը խաբկանք էր՝ մարդկանց մոլորեցնելու համար:

Դավիթ Մկրտչյան