Սասնա Ծռերը պատրաստվում են ընդիմությո՞ւն դառնալ Փաշինյանին. Տեսանյութ

Շատերը նկատեցին, որ Արայիկ Խանդոյանի հուղարկավորման ժամանակ Վարուժան Ավետիսյանի ու Թամար Հովհաննիսյանի ելույթներում կային քողարկված քննադատության եզրույթներ ոչ միայն նախկին այլև ներկա իշխանությունների հանդեպ: Վարուժան Ավետիսյանը նույնիսկ պահանջեց ներկայիս ոստիկանապետի հրաժարականը: Ավելին, նրա կարծիքով Օսիպյանը պետք է կանգնի «Հայկական նյուրնբերգյան» դատարանի առջև: Հիշեցնենք, որ խոսքը գնում է Փաշինյանի ոստիկանապետի մասին: Ավետիսյանը նշեց, որ անհրաժեշտ է նաև քաղաքական գնահատականներ տրվեն նախորդ իշխանություններին:

Ավետիսյանի խոսքերից ոչ պակաս արմատական էին նաև տիկին Թամարի գնահատականները:

Դիտորդները նկատել են, որ թեև Սասնա Ծռերը այսօր բացահայտ չեն ընդիմանում Փաշինյանի վարչակազմին, այնուամենայնիվ նրանք համարում են, որ Փաշինյանը շատ թելերով կապված է նախորդ իշխանությունների հետ: Մասնավորապես դեռ ոչ բացահայտ խոսվում է Սերժ Սարգսյանի ու նրա փեսա Միքաել Մինասյանի հետ ստվերային կապերի մասին: Թերևս, հենց դրանով է պայմանավորված, որ Փաշինյանը հիմնականում փորձում է թիրախավորել Ռոբերտ Քոչարյանին և նրա շրջապատին, մինչդեռ 3-րդ նախագահի շրջապատի հետ նա շատ թելերով է կապված :

Այս տեսակետները լայնորեն տարածված են պետական համակարգում և վերնախավում ընդհանրապես, երբ մարդիկ սկսում են ավելի մանրամասն հետևել Փաշինյանի գործողություններին, ուշադրություն դարձնելով նաև առաջին հայացքից ոչ շատ կարևոր դետալների վրա:

Ինչևիցե, պարզ է, որ գալիք ընտրապայքարի ընթացքում այս քողարկված մրցակցությունը ավելի ու ավելի ակնառու է դառնալու, մանավանդ, որ իրական ընդիմությունն այսօր Հայաստանում բացակայում է, իսկ ինչպես հայտնի է սուրբ տեղը դատարկ չի մնում:

Արտակ Հակոբյան