Ընտրակեղծարարը լքել է Հայաստանը և բնակություն հաստատել ԱՄՆ-ում

«Լավատեղյակ աղբյուրներից «ՉԻ»–ին հայտնի դարձավ, որ ՀՀԿ Վարդենիսի կառույցի ղեկավար. 23/42 տեղամասային ընտրական հանձնաժողովի նախագահ Դավիթ Գրիգորյանն ամիսներ առաջ լքել է Հայաստանը. այժմ նա բնակվում է ԱՄՆ Լոս Անջելես քաղաքում:

36-ամյա Դավիթ Գրիգորյանը, հիշեցնենք, սահմանադրական փոփոխությունների հանրաքվեի արդյունքները կեղծելու համար ՀՀ քրեական օրենսգրքի 150 հոդվածի հատկանիշներով դատապարտվել է երեք տարվա ազատազրկման, սակայն պատիժը պայմանականորեն չի կիրառվել՝ նրա նկատմամբ սահմանելով փորձաշրջան՝ մեկ տարի ժամկետով։ Ու փաստորեն փորձաշրջանում գտնվելու ընթացքում նա հեռացվել է Հայաստանից։ Ընդ որում, նա մեկնել ԱՄՆ այն դեպքում, երբ ՀՀ-ում ԱՄՆ-ի դեսպանատունը հանրաքվեից հետո արված հայտարարության մեջ նաև նշել էր, թե ընտրակեղծարարների մասին տեղեկությունները «կարող են կիրառվել ԱՄՆ դեսպանատան կողմից՝ դեսպանության ծրագրերում ու միջոցառումներում՝ մասնակիցների ներգրավումը դիտարկելիս»»,–գրում է թերթը։

Մանրամասները՝ թերթի այսօրվա համարում։