Կարգին Հայկոն լավ տղա է, սակայն քաղաքականության մեջ «Գիքոր է»

Երևանի Ավագանիի վերջին ընտրություններում, շատ քննադատվեցին բոլոր թեկնածուները, բացառություն չէր նաև Հայկ Մարությանը: Նրան անվանեցին` էլ անտաղանդ դերասան, էլ Երևան-Պրահա ուղու վրա խոպանչի և այլն: Հանուն արդարության պետք է նշել, որ մյուս թեկնածուները ոչ պակաս հայոյանքների էին արժանանում, ընդ որում` կազմակերպված ֆեյքերի միջոցով:

Այս ամենը սկսվեց հենց իշխանության կողմից, երբ բոլորին բաժանեցին «սևերի» ու «սպիտակների»` կոնկրետ քաղաքական խնդիր լուծելու համար: Պետք է նշել, որ այդ խնդիրը հաջող լուծվեց, սակայն մարդկանց հոգիներում չարությունը մնաց: Օրինակ Հայկոն, մինչ քաղաքականություն մտնելը, շատ նորմալ մարդու հանբավ ուներ: Նա իսկապես տաղանդավոր դերասան է, որը տարիներ շարունակ վեր է հանել մեր կյանքում առկա բոլոր բացասական երևույթները` իր դերերի միջոցով: Իհարկե այստեղ էլ տարբեր մարդիկ տարբեր կարծիքներ ունեն նրա գործնեության ձևի հարցում, սակայն ոչ ոք չի վիճարկում Հայկոյի տաղանդը: Սակայն տաղանդավոր մարդն իր գործնեության ոլորտը փոխելով երկար պիտի մտածի: Իսկ ունա՞կ է արդյոք նա իր համար խորթ ոլորտում գործել հաջող: Հայկոյի առաջին քայլերից երևում է, որ նա քաղաքականության մեջ փորձ չունի: Ավելին, նա չափից դուրս անկեղծ է և հայտնի հերոս Գիքորի նման, «թանկ բալի» մասին է խոսում: 

Օրինակ, «սև» և «սպիտակի» հայտնի գաղափարն իհարկե իր մտահաղացումը չէր: Սակայն իր շուրթերով այն իրականացավ` ստուգելու հանրային տրամադրությունները: Այդ հետո ի հայտ եկավ այդ գաղափարհի իրական հեղինակը: Հիմա էլ նույն Հայկոն նշում է, որ իրենց ընդիմություն պետք չէ, քանզի «լավագույն» ընդիմությունը իրենց թիմի մեջ է: Իհարկե այս ֆրանկոֆոնիայի ֆոնին այս «կիկսերը» ոչ ոք չի նկատում, կամ չի ուզում նկատել: Սակայն ժամանակի ընթացքում այս ամենը հիշվելու է, եթե իհարկե այս մտքերը սոսկ շարքային «կիկսեր» չեն: 

Տաղանդավոր դերասանի համար միգուցե այսօր այս ամենը շատ ռոմանտիկ է թվում, սակայն նրան պետք է հիշեցնել, որ ուրիշի մտքերի հրապարակումը իր համար լավ միտք չէ:

Արտակ Հակոբյան