Լապշինի արտահանձնումն Ադրբեջանից այս պահին հնարավոր չէ. փաստաբան
Բաքվում կալանքի տակ գտնվող ՌԴ և Իսրայելի քաղաքացի բլոգեր Ալեքսանդր Լապշինի արտահանջնումը մեկ այլ երկրի այս պահին հնարավոր չէ, հայտարարեց նրա փաստաբան Սաֆար Հուսեյնովը:
«Լապշինի դեմ հարուցված քրեական գոչծի հետաքննությունը շարունակվում է: Հետաքննության ավարտին նա պետք է կանգնի դատարանի առաջ: Դատարանի վճռից հետո հնարավոր է դիտարկվի նրա արտահանձնումը այն երկրներից մեկին, որի քաղաքացին նա հանդիսանում է: Մինչ դատարանի վճիռը նա չի կարող արտահանձնվել մեկ այլ երկրին», - մեջբերում է Հուսեյնովի խոսքերը «Թրենդ» գործակալությունը:
Ըստ փաստաբանի, Լապշինի ընտանիքի անդամները բլոգերին տեսակցելու խնդրանքով նրան չեն դիմել. «Նրա ընտանիքը պետք է դիմի դեսպանատուն հանդիպման համար, որից հետո ընտանիքի անդամները դեսպանատան միջոցով կարող են դիմել ինձ», - ասաց նա:
Zham.am
Հետևեք մեզ Facebook-ում