Փաշինյանը իր թրի տակով անցկացրեց Ծառուկյանին, ընտրությունները հաստատ կանցնեն դեկտեմբերին

Այն ինչ եղավ երեկ, Փաշինյան-Ծառուկյան հանդիպումից հետո, կանխատեսելի էր: Պարզապես անհասկանալի էր, թե ինչու դրանից մեկ օր առաջ Ծառուկյանը հարցազրույց տվեց իր հեռուստաընկերությանը, իսկ նախօրեին էլ միացել էր ՀՀԿ-ին ու ՀՅԴ-ին: Եթե Ծառուկյանի նպատակը վերջիններիս օգտագործելն էր ու հետո Փաշինյանի հետ սակարկելուց հետո նրանց քցելը, ապա դա հետագայում նրան կհիշեցվի:

Քաղաքականությունը կենցաղային կյանքի քաղաքակիրթ արտացոլումն է: Այն ինչ չի հանդուրժվում կենցաղային կյանքում, չի հանդուրժվում նաև քաղաքականության մեջ:
Իհարկե այստեղ աշխատում է նաև ուժեղ լինելու գործոնը, քանզի ուժեղը միշտ էլ «ճիշտ է»: Եթե իր թիմին «քցում է», ասենք հհկ-ական այս կամ օլիգարխը, ապա դա ինչ որ չափով հասկանալի է: Բայց երբ որ դա անում է քաղաքական դաշտի «ջոկերը», ապա դա համարվում է գիտակցված քաղաքական դիրքորոշում: Երեկ Ծառուկյանը կատարեց այդպիսի քաղաքական գիտակցված որոշում՝ իր բոլոր հետևանքներով:

Ինչ վերաբերվում է հհկ-ական առնետներին, ապա այստեղ ամեն ինչ պարզ էր: Նրանք միշտ էլ եղել են պատեհապաշտներ և գործել են «ով էշ ես փալան» հայտնի սկզբունքով:

Այսպիսով, կարող ենք արձանագրել, որ դեկտեմբերին արտահերթ ընտրությունների ճանապարհը բացվեց, և ամենայն հավանականությամբ, նոր տարվանից Փաշինյանը Հայաստանում կունենա բացարձակ իշխանություն:

Արտակ Հակոբյան