Վահրամ Բաղդասարյանը չի մեկնաբանում Գագիկ Ծառուկյանի հայտարարությունը. ԱԺ խմբակցությունների ճեպազրույցը (տեսանյութ)

Ազգային ժողովի ՀՀԿ խմբակցության ղեկավար Վահրամ Բաղդասարյանը այսօր լրագրողների հետ ճեպազրույցում հայտարարեց, որ չի մեկնաբանելու Բարգավաճ Հայաստան կուսակցության նախագահ Գագիկ Ծառուկյանի հարցազրույցը Կենտրոն հեռուստաալիքի Ուրվագիծ հաղորդաշարի եթերում:

- Կարդացել եմ Դաշնակցության հայտարարությունը, լսել եմ նաև Ծառուկյանի բանավոր խոսքը: Անկեղծ ասած, ես չեմ ցանկանում մեկնաբանել՝ թե որ քաղաքական ուժը ինչպես է մտածում: Դա իրենց որոշման խնդիրն է: Ես հետևում եմ, այսպես ասած, պաշտոնական հրապարակումներին: Պաշտոնական հրապարակում համարում եմ Դաշնակցության հայտարարությունը, ոչ պաշտոնական՝ բանավոր խոսք՝ Ծառուկյանին: Եւ պաշտոնական հայտարարություն մեր հայտարարությունն է, որը մենք տարածել ենք, - ասաց նա:

Վահրամ Բաղդասարյանը նաև նշեց, որ հոկտեմբերի երկուսին, երբ Նիկոլ Փաշինյանը ժամանել էր Ազգային ժողով, նա ԱԺ խմբակցությունների ներկայացուցիչների հետ զրույցում ասել, որ եկել է իրազեկելու՝ դեկտեմբերին արտահերթ ընտրություններ անցկացնելու որոշման մասին:

Zham.am