Երևանի քաղաքապետարանում աշխատակազմը դիրքավորվում է․ մի մասը պատրաստվում է հեռանալ, մյուսները ելքեր են փնտրում մնալու
«Հրապարակ» թերթը գրում է. «Մեր տեղեկություններով՝ Երևանի քաղաքապետարանում «մեծ ուբոռկա» է ընթանում՝ բոլոր վարչություններում ու բաժիններում ինվենտարիզացիա են անում։ Փորձում են հաշվել՝ նախապես եղած գույքը տեղո՞ւմ է, թե՞ ոչ, ինչի կարիք կա և այլն։ Աշխատակազմը դիրքավորվում է․ մի մասը պատրաստվում է հեռանալ, մյուսները ելքեր են փնտրում մնալու։ Իսկ հները մինչև վերջին օրը հրամաններ ու որոշումներ են կայացրել, ընտրությունների հաջորդ օրն անգամ «պրեմիաներ» են բաժանել, թղթեր կարգավորել։
Հեռանալու պրոցեսի մեջ են նաև վարչական շրջանների ղեկավարները։ Երեկ հրաժարականի դիմում էր պատրաստում Արաբկիրի թաղապետ, ՀՅԴ քվոտայով նշանակված Հովհաննես Վարդանյանը։ Իսկ նոր քաղաքապետն արդեն իսկ պաշտոնների բաշխման փուլ է մտել՝ տարբեր անձինք իրենց այս կամ այն պաշտոնին են պատկերացնում։
«Քաղպայմանագրի» ավագանու ցուցակի 70 և բարձր համարներում հանգրվանած անձինք վստահ են, որ ընդամենը օրեր անց իրենք ավագանու մանդատ են ստանալու, քանի որ ցուցակի առաջին հատվածից բավականին մարդ համայնքային պաշտոններ է զբաղեցնելու և հրաժարվելու է մանդատներից»,-գրում է թերթը:
Մանրամասները՝ կարդացեք թերթի այսօրվա համարում:
Հետևեք մեզ Facebook-ում